ក្រោយពីកើតទុក្ខមិនសុខចិត្ត រឿង Google Map មានដាក់ផែនទីប្រាសាទតាមាន់តូច តាមាន់ធំ និង តាក្របី នៅក្នុងទឹកដីប្រទេសកម្ពុជា ឥឡូវនេះថៃមានរឿងច្រឡោតជាថ្មីទៀតហើយ ដោយខឹងនឹងសេវាទូរស័ព្ទ ហេតុអ្វីបានជាលោតសារសា្វគមន៍កម្ពុជា ពេលមកដល់ប្រាសាទតាមាន់ធំ។
រឿងរ៉ាវនេះត្រូវបានផ្សព្វផ្សាយដោយប៉ុស្តិ៍ទូរទស្សន៍លេខ ៧ ដោយពិធីករបានរៀបរាប់ឱ្យដឹងថា មានអ្នកទេសចរជនជាតិថៃម្នាក់ បានធ្វើដំណើរទៅលេងប្រាសាទតាមាន់ធំ ហើយគ្រាន់តែឈានជើងចូលទៅដល់ភ្លាមៗ ស្រាប់តែមានលោតសារទូរស័ព្ទមកថា ស្វាគមន៍ប្រទេសកម្ពុជា ថែមទាំងមានការប្រម៉ូដលក់សេវាអ៊ីនធើណែតទៀតផង។
អ្នកទេសចររូបនេះ បានអះអាងថាខ្លួនមិនពេញចិត្តឡើយ ព្រោះតែប្រាសាទនេះស្ថិតនៅក្នុងទឹកដីថៃ ខេត្តសុរិន្ទពិតប្រាកដណាស់ ហេតុអ្វីបានជាមានការផ្ញើសារមកបែបនេះ ហើយក៏បានសុំឱ្យអ្នកពាក់ព័ន្ធទាំងឡាយចេញមុខមកដោះស្រាយ ព្រោះខ្លាចនឹងមានការចាញ់ប្រៀបប្រទេសកម្ពុជាទៀត៕
ប្រភព៖ TikTok
