និយាយពីជីវិតឯកជនរបស់តារាស្រីរូបស្រស់ ឌី សូនិត្តា មហាជនអ្នកគាំទ្របានជ្រាបហើយ ក្រោយពីជួបរឿងខកបំណងលើជីវិតស្នេហាប៉ុន្មានឆ្នាំមកនេះ គេឃើញថាតារាស្រីរូបនេះ មិនខ្វល់ខ្វាយរកអ្នកស្អំបេះដូងថ្មីទៀតឡើយ ដោយបន្តស្ពាយឈ្មោះជាអ្នកមេម៉ាយដ៏រឹងមាំចិញ្ចឹមកូនស្រីបណ្ដូលចិត្តតែម្នាក់ឯង។
ចំពោះកូនស្រីបណ្ដូលចិត្តរបស់អ្នកនាង ឌី សូនិត្តា មកដល់ពេលនេះ មានអាយុប្រមាណជិត ៤ ឆ្នាំហើយ ដែលកាន់តែធំកូនស្រីបណ្ដូលចិត្តរបស់អ្នកនាង មានមុខមាត់កាន់តែស្រស់ស្អាតខ្លាំងឡើង។ លើសពីនេះ អូនស្មាយ តែងត្រូវបានមហាជនអ្នកគាំទ្រលើបណ្ដាញសង្គមជាច្រើនចាប់អារម្មណ៍ និង សរសើរខ្លាំងពីសកម្មភាពដ៏ឆ្លាតវៃ មុខមាត់ក្រមិចក្រមើម និយាយស្ដីគួរឱ្យស្រឡាញ់របស់នាងតូច ដែលអ្នកម៉ាក់តែងបង្ហាញលើបណ្ដាញសង្គមជាហូរហែ។
មកដល់ថ្មីៗនេះ អ្វីកាន់តែចាប់អារម្មណ៍ទៀតចំពោះ អូនស្មាយ ខណៈបានឃើញអ្នកនាង ឌី សូនិត្តា បង្ហោះរៀបរាប់ពីកូនស្រីបណ្ដូលចិត្ត ដែលនាងកាន់តែមានភាពវៃឆ្លាតដូចមនុស្សធំ រាល់ថ្ងៃអ្នកនាងចាត់ទុកកូនស្រីដូចជាមិត្ត ជាដៃគូ ជាអ្នកព្រឹក្សា និង ជាអ្វីគ្រប់យ៉ាងក្នុងជីវិត។
ក្នុងនោះ អ្នកនាង ឌី សូនិត្តា បានរៀបរាប់ថា ៖ «នាងលើសពីវ័យដែលគេហៅថាកូនក្មេង ពេលខ្លះខួរក្បាលនាងលើសអាយុ ១០ ឆ្នាំ ពេលខ្លះនាងប្រដៅខ្ញុំវិញ នាងប្រឹក្សាខ្ញុំវិញ ខ្ញុំមិនយល់ថា កូនដែលវះយកថ្ងៃហុងស៊ុយដល់ថ្នាក់ហ្នឹង??? បូករួមនឹងបុណ្យដែលខ្ញុំសាង ទេវតាក៏បានប្រទាននាងមកឱ្យខ្ញុំ ដើម្បីមកធ្វើជាកូន ជាបងប្អូន ជាមិត្ត ជាញាតិ ជាដៃគូរកស៊ី មិនទាន់ដឹងក្តីផង បបួលម្តាយរកស៊ីមុខរបរនេះមុខរបរនោះ វាពិតជាអស់អីនិយាយហើយខ្ញុំ អ្នកជំនួញដ៏ពិតប្រាកដ គឺជានាង ច្បាស់ណាស់»៕
សូមចុចទីនេះដើម្បីទស្សនាវីដេអូ៖
