កាលពីថ្ងៃទី ១៨ ខែមិថុនា ឆ្នាំ ២០២៥ កន្លងទៅ មហាជននៅតាមបណ្តាញសង្គមថៃ មានការខឹងសម្បា និង នាំគ្នារិះគន់យ៉ាងខ្លាំង ក្រោយពីការបែកធ្លាយសារសំឡេងរវាង លោកស្រី Paethongtarn ដែលជានាយករដ្ឋមន្រ្តីថៃ និង សម្តេចតេជោហ៊ុនសែន។
ក្នុងនោះដែរ Nawat Isaragrisil ស្ថាបនិក MGI ក៏បានកើតការមិនសុខចិត្ត ហើយក៏បានផុសសារបណ្តាក់គ្នាដូចខ្យង ក្នុងន័យរិះគន់ដល់នាយករដ្ឋមន្រ្តីថៃ។ Nawat បានផុសថា ៖ «ទាហានថែរក្សាព្រំដែនក៏ត្រូវហើយ ហេតុអីនាយករដ្ឋមន្រ្តីទៅនិយាយថាមិនមែនជាបក្សពួកជាមួយគ្នា?» និង «នាយករដ្ឋមន្រ្តីធ្វើការឱ្យជនជាតិថៃ ឬធ្វើការឱ្យសម្តេចហ៊ុនសែន?» និង «ហើយទៅសួរគាត់ធ្វើអ្វីថាចង់បានអី និង ត្រៀមរៀបចំឱ្យ?»។
ទន្ទឹមនឹងនោះ មកទល់ពេលនេះប្រជាជនកំពុងតែមានការខឹងសម្បាណាស់ ហើយពួកគេក៏ទាមទារឱ្យលោកស្រី Paethongtarn ចុះចេញពីតំណែងផងដែរ តែលោកស្រីនៅមិនទាន់មានការឆ្លើយតបណាមួយនោះទេ៕
