ថ្មីៗនេះ តុក្កតា Labubu បានបង្កើតប្រវត្តិសាស្ត្រដេញថ្លៃថ្មីមួយទៀត ដោយបញ្ចេញតុក្កតាចំនួនមានកំណត់ limited-edition Sacai x Seventeen Labubu ដែលជាការចាប់ដៃគ្នារវាង ប្រ៊េនហ្វេហ្សិនប្រណីតរបស់ជប៉ុន Sacai និង ក្រុមចម្រៀងប្រុសកូរ៉េដ៏ល្បី Seventeen។
តុក្កតានេះ ផលិតមកត្រឹមតែ ១៤ ប៉ុណ្ណោះ ហើយមួយមានតម្លៃដល់ទៅ ៣១ ២៥០ ដុល្លារ ដែលបានបង្កើតជាកំណត់ត្រាថ្មី ជាមួយតម្លៃលក់ខ្ពស់បំផុត មិនធ្លាប់មានសម្រាប់តុក្កតា LABUBU។ តុក្កតានេះបានដាក់ដេញថ្លៃជាងមួយសប្តាហ៍នៅលើគេហទំព័រ Joopiter ដែលជាវេទិកាដេញថ្លៃតាមអនឡាញឈ្មោះថា Pharrell Williams។
បើតាមការចេញផ្សាយរបស់សារព័ត៌មាន robbreport តុក្កតាត្រូវបានដាក់លក់ជាប្រអប់អាថ៌កំបាំង ឬ blind box មានន័យថា អ្នកដេញថ្លៃបានមិនអាចដឹងពីតុក្កតាខាងក្នុងជាពណ៌អ្វីឡើយ។ ជាក់ស្តែង តុក្កតាចំនួន ១៣ មានពាក់អាវពណ៌ beige របស់ប្រ៊េន Sacai តំណាងឱ្យសមាជិកក្រុមចម្រៀង Seventeen ទាំង ១៣ នាក់។ ចំណែកមួយទៀត ជាពណ៌ពិសេសជាងគេ។
ជាការពិត ការដេញថ្លៃចុងក្រោយ ទទួលបានតម្លៃចាប់ពី ១៨ ៧៥០ ដុល្លារ រហូតដល់ ៣១ ២៥០ ដុល្លារ។ សរុបមក ការដាក់ដេញថ្លៃតុក្កតាទាំងអស់បានទឹកប្រាក់ចំនួន ៣៣៧ ០០០ ដុល្លារ។ ហើយលុយទាំងអស់នេះ នឹងប្រគល់ជូនទៅអង្គការ UNESCO ដើម្បីគាំទ្រជាសកលនូវ ការអប់រំ វិទ្យាសាស្ត្រ និង វប្បធម៌៕
ប្រភព៖ WWD
