ពិតជារឿងដែលគួរឱ្យសរសើរណាស់ សម្រាប់ពិធីការិនីសារព័ត៌មានជនជាតិអាមេរិកម្នាក់ឈ្មោះ Olivia Jaquith ដែលបានបែកទឹកភ្លោះបម្រុងនឹងសម្រាលកូនខណៈកំពុងប្រកាសព័ត៌មាន តែនាងទ្រាំអង្គុយធ្វើការហូតទាល់តែដល់ម៉ោងឡើងគ្រែពេទ្យ។
តាមព័ត៌មានបានឱ្យដឹងថា Olivia Jaquith គឺជាពិធីការិនីសារព័ត៌មានប្រចាំប៉ុស្តិ៍ CBS6 Albany នាងបានប្រកាសឱ្យដឹងនៅក្នុងកម្មវិធីថា ទឹកភ្លោះនាងបានបែកមុននឹងការចាប់ផ្តើមកម្មវិធីតែប៉ុន្មាននាទីប៉ុណ្ណោះ ហើយនាងត្រូវអង្គុយធ្វើការ ៣ ម៉ោងទៀត។ ក្នុងនោះដែរ នាងមិនបានបង្ហាញអាការភ័យព្រួយអ្វីឡើយ មានតែនិយាយលេងសើចជាមួយក្រុមកាងារដូចធម្មតា ហើយនាងក៏ពេញចិត្តនៅអង្គុយធ្វើការ ដោយគ្មានការបង្ខិតបង្ខំណាមួយឡើយ។
យ៉ាងណាមិញ លុះមកដល់ថ្ងៃទី ២២ ខែឧសភា ឆ្នាំ ២០២៥ នាងក៏សម្រាលបានកូនប្រុសដោយសុវត្ថិភាព ក្រោមការសរសើរ និង ជូនពរពីសំណាក់មហាជន ក៏ដូចជាក្រុមការងាររបស់នាងផងដែរ៕
ប្រភព៖ Sanook
