អ្នកឧកញ៉ា សៀ ឬទ្ធី ត្រូវបានមហាជនទូទៅស្គាល់ជាអ្នកកាទូតសេដ្ឋកិច្ច និង ជាអ្នកជំនួញដ៏ល្បីឈ្មោះមួយរូបនៅកម្ពុជា។ នៅក្នុងដំណើរជំនួញ អ្នកឧកញ៉ាបានវិនិយោគជោគជ័យក្នុងវិស័យសំខាន់ៗរួមមាន៖ វិស័យអភិវឌ្ឍន៍អចលនទ្រព្យ, វិស័យហិរញ្ញវត្ថុ, ប្រព័ន្ធផ្សព្វផ្សាយ និង ឌីជីថល, វិស័យឧស្សាហកម្ម, វិស័យសុខាភិបាល, វិស័យពាណិជ្ជកម្ម, វិស័យសណ្ឋាគារ និង បដិសណ្ឋារកិច្ច, សេវាកម្មផ្គត់ផ្គង់ម្ហូបអាហារ និង សេវាកម្មសម្អាត។
តាមរយៈបទពិសោធធ្វើជំនួញ អ្នកឧកញ៉ារមែងចែករំលែកអំពីគន្លឹះ ក៏ដូចជាគំនិតរកស៊ីផងដែរ។ ជាក់ស្តែង នៅក្នុងកិច្ចពិភាក្សាមួយ អ្នកឧកញ៉ាបានលើកឡើងពីការវិនិយោគមួយចំនួន ដែលល្អ និង ស័ក្តិសមនឹងកាលៈទេសៈនេះ ហើយវាក៏ជាការវិនិយោគដែលមិនចេះខាតបង់។
ការវិនិយោគទាំងនោះមានដូចជា៖
ទី១- មាស ៖ ដប់ឆ្នាំក្រោយ មាសអាចនឹងឡើងដល់ ៤ ពាន់ដុល្លារក្នុងមួយអោន។
ទី ២- ធនធានរ៉ែ។
ទី ៣- អចលនទ្រព្យ ៖ ការវិនិយោគត្រូវមើលទៅលើកាលៈទេសៈ និង ទីផ្សារ។
ទី ៤- រូបិយប័ណ្ណ ៖ លុយស្វីស និង លុយអង់គ្លេសជាដើម។
ទី ៥- របស់កម្រ ៖ របស់ថ្លៃៗ គំនូរ និង ឡានចាស់ៗជាដើម។
ទី ៦- Crypto (រូបិយប័ណ្ណ Crypto)។
គួរឱ្យដឹងដែរថា អ្នកឧកញ៉ា សៀ ឫទ្ធី គឺជាម្ចាស់ និង ជាប្រធានក្រុមហ៊ុន WorldBridge Group ដែលមានក្រុមហ៊ុនជាបុត្រសម្ព័ន្ធប្រមាណ ៣០ ឯណោះ៕
