នៅថ្ងៃទី ២៤ ខែកុម្ភៈ ឆ្នាំ ២០២៥ នេះ ក្រុមហ៊ុនអាកាសចរណ៍ជាតិកម្ពុជា បានជូនដំណឹងពីការចែកសំបុត្រឥតគិតថ្លៃចំនួន ២០២៥ សំបុត្រជាលើកទី ២ ដែលក្នុងនាមជាអាកាសចរណ៍ជាតិ ក្រុមហ៊ុនមានក្តីសោមនស្សរីករាយក្នុងការផ្តល់ជូនបទពិសោធថ្មីតាមរយៈការធ្វើដំណើរតាមផ្លូវអាកាសដល់និសិ្សតកម្ពុជាគ្រប់រូប ចាប់ពីថ្នាក់បរិញ្ញាបត្ររង រហូតដល់ថ្នាក់អនុបណ្ឌិត។
ក្នុងនោះ ដើម្បីទទួលបានសំបុត្រឥតគិតថ្លៃ និសិ្សតទាំងអស់គ្រាន់តែធ្វើតាមការណែនាំដូចខាងក្រោម៖
១. មកកាន់ស្នាក់ការកណ្តាលរបស់ក្រុមហ៊ុន នៅអគារលេខ ២០៦អា មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន
២. ភ្ជាប់ជាមួយនឹងឯកសារយោងដូចជាកាតសិស្ស និង អត្តសញ្ញាប័ណ្ណ ឬលិខិតឆ្លងដែន
៣. Follow Facebook Page របស់ ក្រុមហ៊ុនអាកាសចរណ៍ជាតិកម្ពុជា
៤. Like និង Share ផុសមួយនេះជាសាធារណៈ និង mentions មិត្តភក្ដិចំនួន ៥ នាក់រួចភ្ជាប់ជាមួយ screenshot ក្នុង comment
តាមប្រភពបានឱ្យដឹងថា ចំពោះការចែកសំបុត្រលើកទីពីរនេះ ធ្វើឡើងចាប់ពីថ្ងៃទី ២៥ ដល់ ២៧ ខែកុម្ភៈ ឆ្នាំ ២០២៥ ចំនួន ៣០០ សំបុត្រ។ ចំពោះការចែកនេះនឹងធ្វើឡើង ២ វេន៖
– ពេលព្រឹកចាប់ពីម៉ោង ៨:៣០ នាទីព្រឹក រហូតដល់ម៉ោង ១២:០០ នាទីថ្ងៃត្រង់
– ពេលរសៀលចាប់ពីម៉ោង ២:៣០ នាទីរសៀល រហូតដល់ម៉ោង ៤:៣០ នាទីល្ងាច៕
