ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកនិយមតាមដានទស្សនាកម្មវិធី តាម Trend ដែលមានលោក ដេវិដ និង កញ្ញា ហេង បូនីកា ជាពិធីការិនី បាន និង កំពុងផ្ទុះចាប់អារម្មណ៍នូវកិច្ចសម្ភាសន៍មួយ ដែលមានកញ្ញា ឈីងលីន ចៅស្រីរបស់តារាកំប្លែង នាយកុយ និង កញ្ញា សូលី ជាតារាកិត្តិយស។
កិច្ចសម្ភាសន៍នោះដែរ កញ្ញា ឈីងលីន និង កញ្ញា សូលី បានចែករំលែកពីបទពិសោធពាក់ព័ន្ធនឹងរឿងរ៉ាវបេះដូង ដោយត្រង់ពាក្យមួយរបស់កញ្ញា ឈីងលីន ដែលបានជជែកជាមួយកញ្ញា សូលី នូវពាក្យមួយម៉ាត់ថា «ភ្លក្ស» បានធ្វើឱ្យអ្នកទស្សនាមានការវែកញែក និង បញ្ចេញមតិជាបន្តបន្ទាប់។
តាមរយៈការចែករំលែក កញ្ញា ឈីងលីន និយាយទៅកាន់កញ្ញា សូលី ថា៖ «ចង់សួរទៅ សូលី ថា បើសិនជាគិតថាម្នាក់ហ្នឹងសាវា អត់ចង់បើកផ្លូវឱ្យគាត់ចូលក្នុងជីវិតមួយហ្នឹង គឺដោយសារតែគាត់ខ្លាចគាត់ទៅនិយាយ ចុះបើសិនជាមនុស្សហ្នឹង អត់ដូចជាការគិតយើង ពេលខ្លះត្រូវជឿជាក់លើខ្លួនឯងដែរ យើងក៏ត្រូវភ្លក្សវាដែរ យើងភ្លក្សថា តើម្នាក់ហ្នឹងចឹងមែនអត់? ហើយយើងត្រូវគិតថា យើងមានសមត្ថភាព កែតម្រូវម្នាក់ហ្នឹងបាន ឬអត់?…»។
ក្នុងនោះដែរ ពាក្យ «ភ្លក្ស» មួយម៉ាត់នោះ ធ្វើឱ្យមានមហាជនអ្នកប្រើប្រាស់បណ្ដាញសង្គមហ្វេសប៊ុកជាច្រើនយកទៅជជែកក្លាយជាប្រធានបទដ៏ក្ដៅគគុកមួយ៕
សូមចុចទីនេះ ដើម្បីទស្សនាវីដេអូ៖
