ថ្មីៗនេះ ក្រុមហ៊ុន MSI ទើបតែនាំយកនូវកុំព្យូទ័រម៉ូដែលស៊េរីថ្មី Raider 18 HX AI A2XW ដែលជាកុំព្យូទ័រលេងហ្គេមដ៏មានសមត្ថភាពខ្លាំងក្លា មានបំពាក់នូវបន្ទះឈីប Intel® Core™ Ultra 9 Processor 275HX ហើយនឹងមានការគាំទ្រដោយក្រាហ្វិកកាតជំនាន់ចុងក្រោយបំផុត NVIDIA® GeForce RTX™ 5080 Laptop GPU ថែមទៀតផង។
លក្ខណៈសម្បត្តិរបស់កុំព្យូទ័រ Raider 18 HX AI A2XW
– ស៊ីភីយូ Intel® Core™ Ultra 9 Processor 275HX
– ក្រាហ្វិកកាតដាច់ NVIDIA® GeForce® RTX 5080 16GB GDDR7
– រ៉េម RAM: 32GB DDR5 (16×2)
– ទំហំផ្ទុក Storage: SSD 4TB M2 PCIE
– បន្ទះអេក្រង់ 18″ UHD+ ( 3840 x 2400 ) MiniLED 120Hz, 100% DCI-P3
– ប្រព័ន្ធបន្ថយកម្ដៅ Cooling: Cooler Boost 5 Advanced
– មុខងារ AI Features: AI-enhanced ជំនួយកម្លាំង performance & បន្ថយកម្ដៅ cooling
– ភ្លើង RGB Mystic Light: កំណត់ពណ៌ទៅតាមរបៀបលេងហ្គេមរបស់អ្នក
បំពាក់ក្រាហ្វិកកាតដាច់ GeForce RTX 50 Series Laptop GPUs
ដំណើរការដោយ NVIDIA Blackwell, ធ្វើឲ្យក្រាហ្វិកកាតដាច់ GeForce RTX™ 50 Series Laptop GPUs នាំយកកម្លាំងខ្លាំងខុសប្លែកពីមុនសម្រាប់ gamers និង creators ទាំងអស់។ ដោយភ្ជាប់មកជាមួយកម្លាំង AI horsepower អនុញ្ញាតឲ្យ RTX 50 Series បើកបទពិសោធថ្មី និង ក្រាហ្វិកជំនាន់បន្ទាប់។ ការដំឡើងកម្លាំងលេងហ្គេមជាមួយ NVIDIA DLSS 4 ធ្វើការបង្កើតបំពេញរូបភាពនៅក្នុងល្បឿនលឿនមិនធ្លាប់មានពីមុនមក និង ជួយបើកគំនិតច្នៃប្រឌិតរបស់អ្នកជាមួយ NVIDIA Studio ផងដែរ។ សមត្ថភាពទាំងអស់នេះស្ថិតនៅក្នុងតួខ្លួនស្ដើង និង កាន់ថ្មបានយូរ តាមរយៈការរៀបចំធ្វើឲ្យប្រសើរឡើងដោយ Max-Q ជាជំនួយ។
ពន្លឺភ្លើងឡើង
ពន្លឺ Mystic Light ជាមួយនឹងការរចនារបារពន្លឺម៉ាទ្រីស matrix របស់ Raider 18 HX AI គឺជាចំណុចខ្ពស់ដ៏សំខាន់នៃពន្លឺ RGB ទាំងអស់។ របារពន្លឺម៉ាទ្រីសបង្ហាញពីសោភ័ណភាពថ្មីនៃបច្ចេកវិទ្យា និង អនាគត។ ជាមួយនឹងភ្លើងជាង 16.8 លានពណ៌ វាអាចឲ្យកំណត់ពន្លឺភ្លើងបានដោយផ្ទាល់ខ្លួន និង បង្កើតបរិយាកាសលេងហ្គេមសម្រាប់អ្នកលេងហ្គេម។
អេក្រង់ច្បាស់រស់រវើក 18-អ៊ីង 4K Mini LED 120Hz Display
អ្នកប្រើប្រាស់នឹងរីករាយជាមួយនឹងភាពរស់រវើកនៃអេក្រង់ទំហំ 18-អ៊ីង ជាប្រភេទ Mini LED 4K ដែលផ្តល់នូវកម្រិតភាពច្បាស់ខ្ពស់មិនថាអ្នកប្រើប្រាស់នៅខាងក្នុង ខាងក្រៅ ឬ ក្រោមពន្លឺព្រះអាទិត្យនោះទេ។ កម្រិតពន្លឺរបស់អេក្រង់នេះគឺមានដល់ទៅ DisplayHDR 1000 និង ពណ៌កូល័រច្បាស់បំផុត។ ការលេងហ្គេម គឺកាន់តែអស្ចារ្យជាមួយនឹងកម្រិត 120Hz refresh rate ដែលគ្មានអ្វីប្រៀបបាននោះទេ។
MSI Raider 18 HX AI A2XWIG-200KH កំពុងដាក់លក់ក្នុងប្រទេសកម្ពុជាចាប់ពីពេលនេះតទៅ ជាមួយតម្លៃ $4,499៕
