ថ្មីៗនេះ ក្រោយពីមានវិវាទព្រំដែនកម្ពុជា និង ថៃ យើងសង្កេតឃើញថាប្រជាជនខ្មែរ ក៏ដូចជាប្រជាជនថៃ បាននាំគ្នាហ៊ឹកហាក់ទៅលេងប្រាសាទតាមាន់ធំ និង ប្រាសាទតាក្របី តែខុសអ្វីតែប្រជាជនថៃ ភាគច្រើននាំគ្នាទៅផ្សងរកលេខឆ្នោតពីថ្មប្រាសាទទៅវិញ។
ជាក់ស្តែង នៅក្នុងប្រាសាទតាក្របី ជនជាតិថៃដែលបានមកទស្សនា បាននាំគ្នាមកបើកបញ្ចាំងពិលទូរស័ព្ទ ឆ្លុះមើលថ្មដែលនៅកណ្តាលប្រាសាទ ដែលជាលិង្គធម្មជាតិ ដោយជឿថាឃើញមានលេខសំណាង ទាំងដែលការពិតគឺជាស្នាមទឹកស្រក់ពីលើមកសោះ។ ក្នុងនោះ ជនជាតិថៃទាំងនេះបានអះអាងថាខ្លួនបានឃើញលេខ ៣៧ និង ៣៥៧ ហើយក៏នឹងយកទៅផ្សងសំណាងជាមួយឆ្នោតពេលត្រឡប់ទៅវិញ។
យ៉ាងណាមិញ ត្រង់នេះបញ្ជាក់ឱ្យឃើញថា ការទៅទស្សនាប្រាសាទ រវាងប្រជាជនថៃ និង ខ្មែរ គឺខុសគ្នា ដោយប្រជាជនខ្មែរមានចេតនាបរិសុទ្ធក្នុងការមកទស្សនាប្រាសាទដែលជាសម្បត្តិវប្បធម៌ប្រវត្តិសាស្រ្តដ៏ពិតប្រាកដរបស់ដូនតាខ្លួន ខុសពីប្រជាជនថៃដែលតែងតែអះអាងថាប្រាសាទទាំងនេះជារបស់ដូនតាខ្លួន តែមកលេងដើម្បីតែរកតែផលប្រយោជន៍ រកលេខឆ្នោតផ្សងសំណាងទៅវិញ៕
ប្រភព៖ Khaosod
