មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការភ្ញាក់ផ្អើល និង ចែករំលែកបន្តគ្នាព្រោងព្រាត បន្ទាប់ពីស្ត្រីម្នាក់បានបង្ហោះពីករណីម្ដាយបង្កើត ត្រូវបានជនឆបោកដាក់ថ្នាំសណ្ដំ យកគ្រឿងអលង្ការ នៅថ្ងៃទី ២៧ ខែសីហា ឆ្នាំ ២០២៥។
ករណីនេះ បានកើតឡើងនៅចំណុចពេទ្យអង្គឌួង ស្ថិតក្នុងភូមិសាស្ត្ររាជធានីភ្នំពេញ នៅថ្ងៃទី ២៧ ខែសីហា ឆ្នាំ ២០២៥ ដែលស្ត្រីជាកូន មានគណនីហ្វេសប៊ុកឈ្មោះ ស្រីធី ព្រៃវែង បានបង្ហោះវីដេអូ និង បញ្ជាក់ថាម្តាយរបស់ខ្លួន ត្រូវបានជនឆបោក ២ រូប បានដាក់ថ្នាំសណ្ដំយកគ្រឿងអលង្ការជិត ១ ពាន់ដុល្លារ នៅមន្ទីរពេទ្យអង្គឌួង និង សូមឱ្យបងប្អូនប្រុងប្រយ័ត្នទៅលើបុគ្គល ២ រូបនោះ។
ស្ត្រីជាកូនជនរងគ្រោះ បានបន្តឱ្យដឹងថា ជនសង្ស័យទាំង ២ រូប បានធ្វើសកម្មភាពវេលាម៉ោងប្រមាណ ១០៖៣០ នាទីព្រឹក ថ្ងៃទី ២៧ ខែសីហា ឆ្នាំ ២០២៥ កំឡុងពេលដែលខ្លួនជាប់រត់ឯកសារពេទ្យ ទើបជនសង្ស័យមានឱកាសឆបោកម្ដាយបាន៕ សូមចុចទីនេះដើម្បីទស្សនាវីដេអូ
