នៅថ្ងៃទី ២០ ខែមករា ឆ្នាំ ២០២៤ កម្មវិធីប្រកួតសម្រស់ Miss Cosmo Cambodia បានរៀបចំកម្មវិធីសន្និសីទសារព័ត៌មានស្ដីពីការចុះអនុស្សារណៈនៃការយោគយល់រវាង CEO of Miss Cosmo និង អ្នកគ្រប់គ្រងថ្មីនៃស្ថាប័ន Miss Cosmo Cambodia។
ក្នុងកម្មវិធីសន្និសីទសារព័ត៌មាននេះដែរ កម្មវិធីប្រកួតលំដាប់អន្តរជាតិ Miss Cosmo ក៏បានប្រកាសពីដំណើរការ និង គោលការណ៍នៃការចូលរួមប្រកួត ក៏ដូចជាលក្ខខណ្ឌផ្សេងៗសម្រាប់បេក្ខភាពបវរកញ្ញាសម្រាប់ឆ្នាំនេះផងដែរ។
ក្នុងនោះ អ្វីដែលអ្នកគាំទ្រវិស័យបវរកញ្ញាកម្ពុជាបានចាប់អារម្មណ៍ខ្លាំង គឺក្នុងឆ្នាំ ២០២៥ នេះ Miss Cosmo Cambodia បានប្រកាសបើកឱកាសដល់ស្រ្ដីកែភេទអាចចូលរួមប្រកួតក្នុងកម្មវិធីនេះបានដែរ ប៉ុន្តែក្នុងនោះកម្មវិធីក៏បានបញ្ជាក់ឱ្យដឹងថាលុះត្រាតែស្រ្តីកែភេទ បានកែប្រែពីភេទប្រុសមកជាភេទស្រីនៅក្នុងអត្តសញ្ញាណប័ណ្ណជាមុនសិនទើបអាចចូលរួមប្រកួតបាន។
ក្រោយពីកម្មវិធីប្រកាសជាផ្លូវការនៃឱកាសមួយនេះភ្លាម ឃើញថាមហាជនលើបណ្ដាញសង្គម ជាពិសេសក្រុមអ្នកគាំទ្រ និង ផេកបវរកញ្ញាជាច្រើន បានផ្ទុះបង្ហោះចែករំលែក ដោយសម្រុកជំរុញឱ្យបវរកញ្ញាភេទទី ៣ កញ្ញា សៃហ្វុន ចូលរួមប្រកួតក្នុងកម្មវិធី Miss Cosmo Cambodia 2025 នេះ ដែលមើលឃើញពីសមត្ថភាពដ៏ស័ក្តិសមរបស់នាង៕
