នៅថ្ងៃទី ០៣ ខែមីនា ឆ្នាំ ២០២៥ កន្លងទៅ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានចែករំលែកចំណេះដឹងជូនទៅកាន់សាធារណជន អំពីដំណោះស្រាយ ក្នុងករណីលិខិតឆ្លងដែនផុតសុពលភាព ឬ ចង់ប្តូរថ្មី។
ក្នុងនោះ ឯកឧត្តម ឧត្តមសេនីយ៍ឯក បានបញ្ជាក់ឱ្យបានដឹងថា ករណីលិខិតឆ្លងដែនផុតសុពលភាព ឬ ចង់ប្តូរថ្មី សាមីខ្លួនត្រូវទៅបំពេញបែបបទថតរូបឡើងវិញ ដោយភ្ជាប់មកជាមួយនូវឯកសារចំនួន ២ គឺ លិខិតឆ្លងដែនចាស់ និង អត្តសញ្ញាណប័ណ្ណសញ្ជាតិខ្មែរ ដែលមានសុពលភាព។
បន្ថែមលើសពីនេះ ឯកឧត្តមក៏បានឆ្លើយតបទៅនឹងសំណួរប្រជាពលរដ្ឋដែលបានខំមិនសួរថា ៖ «តើការបន្តសុពលភាពលិខិតឆ្លងដែន យើងត្រូវចំណាយថវិកាដែរឬទេ?» ដោយឯកឧត្តមឆ្លើយតបបញ្ជាក់ថា ចំពោះការបន្តសុពលភាពលិខិតឆ្លងដែននេះ គឺតម្រូវឱ្យបង់សេវាដូចធ្វើថ្មី៕
ប្រភព ៖ ឧត្តមសេនីយ៍ឯក សាយ ម៉េងឈាង
