Connect with us

ម៉ាក់​ម៉ាក់

ញ៉ាំត្រីសាលម៉ុន ពេលកំពុងមានផ្ទៃពោះ តើល្អចំពោះសុខភាពដែរឬទេ ?

on

Advertisement

ការថែរក្សា​របប​អាហារ​ផ្តល់​សុខ​ភាពល្អ​ក្នុងពេល​មាន​ផ្ទៃពោះ​គឺជា​រឿង​សំខាន់បំផុត​សម្រាប់​ស្ត្រី​។ ក្នុង​ពេលនេះ រាងកាយ​គឺ​ពិតជា​ត្រូវការ​ជីវជាតិ​បន្ថែម ទាំង​វីតាមីន និង​ជាតិ​រ៉ែ​។ តាមពិតទៅ អ្នក​ប្រហែលជា​ត្រូវការ​កាឡូរី ៣៥០ ទៅ​៥០០​កាឡូរី​បន្ថែម​ជា​រៀងរាល់ថ្ងៃ​ក្នុង​ត្រីមាស​ទី​ពីរ និង ​ទី​បី​។ របប​អាហារ​ដែល​កង្វះ​ជីវជាតិ​សំខាន់ៗ​ប្រហែល​ជាមាន​ឥទ្ធិពល​អវិជ្ជមាន​ចំពោះ​ការលូតលាស់​របស់​ទារ​កបាន​។ ទម្លាប់​ញ៉ាំ​អាហារ​មិនល្អ និង​ការ​ធាត់​ឡើង​ទម្ងន់​ក៏​ប្រហែលជា​ប្រឈម​កាន់តែខ្លាំង​នឹង​ការកើត​ជំងឺ​ទឹកនោមផ្អែម​ក្នុងពេល​មាន​ផ្ទៃពោះ និង ​មាន​ផលវិបាក​ច្រើន​ក្នុងពេល​សម្រាល​ផងដែរ​។ ដើម្បី​ស្រួល ការជ្រើសរើស​អាហារ​ផ្តល់​ជីវជាតិ​នឹង​ជួយ​ឲ្យ​អ្នក​ប្រាកដថា ខ្លួនឯង និង​ កូន​មាន​សុខ​ភាពល្អ​ដែរ​។

​ត្រី​សាល​ម៉ុ​ន​គឺជា​អាហារ​មួយ​ប្រភេទ​ដែល​សម្បូរ​ខ្លាំង​នូវ​អាស៊ីត​ខ្លាញ់​អូ​មេ​ហ្គា​បី​។ មនុស្ស​ភាគច្រើន រួមទាំង​ស្ត្រី​មាន​ផ្ទៃពោះ​ផងដែរ​នោះ​គឺ​មិន​ទទួលបាន​អាស៊ីត​ខ្លាញ់​អូ​មេ​ហ្គា​បី​គ្រប់គ្រាន់​ពី​ក្នុង​របប​អាហារ​ពួកគេ​ឡើយ​។ អាស៊ីត​ខ្លាញ់​អូ​មេ​ហ្គា​បី​សំខាន់​ណាស់​ក្នុងពេល​មាន​ផ្ទៃពោះ ជាពិសេស​ប្រភេទ អាស៊ីត​ខ្លាញ់​អូ​មេ​ហ្គា​បី​ច្រវា​ក់វែង DHA និង EPA​។ អាស៊ីត​ខ្លាញ់​ប្រភេទ​នេះ​ត្រូវបាន​គេ​រកឃើញ​ច្រើន​ក្នុង​អាហារ​សមុទ្រ ហើយក៏​ជួយ​បង្កើតជា​ខួរក្បាល និង ​ភ្នែក​របស់​ទារក​បាន​យ៉ាង​ល្អ​ទៀត​។

​ស្ត្រី​មាន​ផ្ទៃពោះ​ជាទូទៅ​ត្រូវបាន​ណែនាំ​ឲ្យ​បន្ថយ​ការ​ញ៉ាំ​អាហារ​សមុទ្រ មក​ត្រឹមតែ​ពីរដង​ក្នុង​មួយ​សប្តាហ៍​បាន​ហើយ ដោយសារតែ​ជាតិ​ប៉ា​រ៉​ត និង​មេរោគ​ផ្សេងៗ​ទៀត​ដែលមាន​ក្នុង​ត្រី​សម្បូរ​ខ្លាញ់​។ ហេតុដូច្នេះ​ហើយ​ទើប​ធ្វើ​ឲ្យ​ស្ត្រី​មួយចំនួន​មិន​ញ៉ាំ​អាហារ​សមុទ្រ ហើយក៏​បន្ថយ​ការទទួលបាន​អាស៊ីត​ខ្លាញ់​អូ​មេ​ហ្គា​បី​ដែរ​។

​យ៉ាងណាមិញ ការសិក្សា​បានបង្ហាញ​ថា ស្ត្រី​មាន​ផ្ទៃពោះ​ដែល​ញ៉ាំ​ត្រី​សម្បូរ​ខ្លាញ់​ពី ២ ទៅ ៣​ ពេល​ក្នុង​មួយ​សប្តាហ៍​នឹង​ទទួលបាន​អាស៊ីត​ខ្លាញ់​អូ​មេ​ហ្កា​បី​ទៅតាម​ការណែនាំ ហើយក៏​បង្កើន​ចំនួន​សារធាតុ EPA និង DHA ក្នុង​ឈាម​ផងដែរ​។ ក្រៅពីនេះ ត្រី​សាល​ម៉ុ​ន​គឺជា​ប្រភព​នៃ​វីតាមីន D បែប​ធម្មជាតិ​មួយ ដែល​ច្រើនតែ​មិនសូវមាន​ក្នុង​របប​អាហារ​មនុស្ស​យើង​ទេ​។ វា​ក៏​សំខាន់បំផុត​សម្រាប់​រាងកាយ​កៃ​ឆ្នៃ​ដើម្បី​ប្រើប្រាស់​ច្រើន​ទៀត​ដូចជា ជួយ​ឲ្យ​ឆ្អឹង​មាន​សុខភាព​ល្អ និង​បង្កើន​មុខងារ​ប្រព័ន្ធ​ភាពស៊ាំ​៕

 

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ healthline

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

តារាប្រុសថៃល្បី ១២ រូប ដែលមានខ្សែភ្នែក និង ស្នាមញញឹមស្រទន់ទាក់ចិត្តអ្នកគាំទ្រ !
វ័យជ្រេ និង កំពុងពពោះដូចគ្នា តែកុំមើលសម្រស់តារាល្បីខ្មែរ-ថៃ ២ រូបនេះ គ្មានទាស់ឡើយ !
កក់ក្ដៅបំផុត! រដ្ឋមន្ត្រី ហង់ជួន ណារ៉ុន ចុះពិនិត្យសន្លឹកកិច្ចការ ជូនអ្នកធ្លាក់ទាំងអស់ ដោយផ្ទាល់
សើចចង់ជ្រុះធ្មេញ ! គ្រូចាញ់ភ្នាល់ រាំតាំងពីខ្លោងទ្វារដល់ទង់ជាតិ ព្រោះសិស្សបាន A ដល់ ៦ នាក់

មតិរបស់អ្នក