Connect with us

ម៉ាក់​ម៉ាក់

មានដុំសាច់ក្នុងស្បូន ហើយមានផ្ទៃពោះទៀត តើគួរបារម្ភឬអត់ ?

on

Advertisement

តើ​អ្នកមាន​ធ្លាប់​ត្រូវបាន​គ្រូពេទ្យ​ប្រាប់ថា មាន​ដុំ​សាច់​ក្នុង​ស្បូន​ដែរ​ទេ ​? តើ​អ្នកមាន​បារម្ភ​អំពី​ផលវិបាក​របស់​វា​ចំពោះ​ការ​មាន​ផ្ទៃពោះ ឬ​ ខ្លួនឯង​ទេ ​? ដុំ​សាច់​ក្នុង​ស្បូន ​ឬ​ហៅថា Leiomyoma ឬ​ Myomoa ឬ Fibroids គឺជា​ដុំ​សាច់​ដែលមាន​សាច់ដុំ និង​ ជាលិកា​សរសៃៗ​លូតលាស់​នៅលើ​ជញ្ជាំង​របស់​ស្បូន ឬ ​ពេលខ្លះ​នៅក្រៅ​ជញ្ជាំង​ស្បូន​ដែរ​ ។ វា​អាចមាន​ទំហំ​តូច​ប៉ុន​គ្រាប់​ឪឡឹក ឬ ​ធំ​ប៉ុន​ផ្លែក្រូច​ ។ លទ្ធភាព​ដែល​ស្ត្រី​អាច​នឹងមាន​ដុំ​សាច់​ក្នុង​ស្បូន​នេះ​គឺ ៥០ ទៅ​ ៨០ ​ភាគរយ​ឯណោះ ​។

​អាកា​ររ​បស់​ដុំ​សាច់​ក្នុង​ស្បូន​មានដូចជា​ ៖
•​ ​ធ្លាក់ឈាម​តាម​ទ្វារមាស​ច្រើនៗ​
•​ ​ឈឺ​ក្នុង​ពោះ
•​ ​មាន​សម្ពាធ​ក្នុង​អាង​ត្រគាក​
•​ ​នោម​ញឹក​
•​ ​ទល់លាមក​

​ដុំ​សាច់​ក្នុង​ស្បូន​ច្រើនតែ​លូតលាស់​លឿន​ជាង​ការ​មាន​ផ្ទៃពោះ ​ស្ត្រី​ភាគច្រើន​មិនបាន​ដឹងថា​ពួកគេ​មាន​ដុំ​នេះឡើយ​លុះត្រាតែ​បាន​ថត​អេកូ ឬ ​រកឃើញ​ដុំ​នេះ​ដោយ​ចៃដន្យ​ក្នុងពេល​ពិនិត្យ​អាង​ត្រគាក​ ។ បើសិនជា​អ្នក​ដឹងថា​មាន​ផ្ទៃពោះ ​ហើយមាន​ដុំ​សាច់​ក្នុង​ស្បូន​ទៀត ចូរ​សួរ​គ្រូពេទ្យ​ថា ទំហំ ឬ​ ទីតាំង​របស់​វា​អាច​បង្ក​ជា​បញ្ហា​អ្វី​ ឬ​អត់​ ។

​ស្ត្រី​ភាគច្រើន​ដែលមាន​ដុំសាច់​នេះ​មួយ ​ឬ ​ច្រើន តែ​មិនមែនជា​ដុំ​មហារីក​ទេ ហើយក៏​មិន​បង្ក​ជា​ផលវិបាក​ដល់​ការ​មាន​ផ្ទៃពោះ​ដោយសារតែ​វា​ដែរ ​។ ស្ត្រី​មាន​ផ្ទៃពោះ​ដែលមាន​ដុំ​សាច់​ក្នុង​ស្បូន​អាច​បង្ក​ជា​ផលវិបាក​ក្នុងពេល​មាន​ផ្ទៃពោះ​មាន​ប្រហែលជា ១០ ទៅ ៣០​ ភាគរយ​ទេ ហើយ​ភាគច្រើនគឺជា​ការឈឺ​ពោះ ដែល​ម្តងម្កាល​កើតឡើង​ជាមួយនឹង​ការហូរ​ឈាម​រឹមៗ ​។ ចំពោះ​កូន​វិញ​គឺ​កម្រ​រង​ប៉ះពាល់​ណាស់​លុះត្រា​តែមាន​ការហូរ​ឈាម​ជាប់ ​។

​ទោះបីជា​អ្នក​ធ្លាប់មាន​រោគសញ្ញា​ជាច្រើន​របស់​វា​ក៏ដោយ ក៏​ភាគច្រើន​វា​មិន​ទំនងជា​ប៉ះពាល់​ដល់​កូន​ឡើយ​ ប៉ុន្តែ​ការ​ប្រឈម​នឹង​ការ​រលូត​កូន និង​ សម្រាល​មិន​គ្រប់​ខែនឹង​កើនឡើង​បន្តិច​បើសិនជា​អ្នកមាន​ដុំ​សាច់​ក្នុង​ស្បូន ​។ ជា​ម្តងម្កាល ដុំ​សាច់​ក្នុង​ស្បូន​នឹងធ្វើ​ឲ្យ​កូន​ស្ថិតក្នុង​ទម្រ​ង​សម្រាល​មិនធម្មតា ហើយក៏​ប្រឈម​នឹង​ការ​សម្រាលកូន​ដោយ​វះកាត់​ខ្ពស់​ដែរ​ ។​

​ដុំ​សាច់​ក្នុង​ស្បូន​ដែលមាន​ការឈឺចាប់​ខ្លាំង ច្រើនតែ​ត្រូវបាន​ព្យាបាល​ជាមួយនឹង​ការ​សម្រាក​ធម្មតា ស្អំ​ទឹកកក និង ​ប្រើ​ថ្នាំ​បើសិនជា​ចាំបាច់​ ។ គ្រូពេទ្យ​នឹង​ណែនាំ​ឲ្យ​ធ្វើការ​ព្យាបាល​ណា​ដែលមាន​សុវត្ថិភាព​បំផុត​សម្រាប់​អ្នក ​។ រោគសញ្ញា​ច្រើនតែ​ស្រាកស្រាន្ត​ទៅវិញ​ក្នុង​រយៈពេល​ពីរ​បី​ថ្ងៃ ​។ ដុំ​សាច់​ក្នុង​ស្បូន​ពេលខ្លះ​លូតលាស់​ធំ​ទៅៗ​ក្នុងពេល​មាន​ផ្ទៃពោះ ដោយសារតែ​អ័រម៉ូន​មាន​ផ្ទៃពោះ​ដែរ​ ប៉ុន្តែ​ដុំ​សាច់​ក្នុង​ស្បូន​នេះ​ក៏​ប្រហែលជា​តូច​ទៅៗ​វិញ​ក្នុងពេល​មាន​ផ្ទៃពោះ​ដែរ ដោយ​គេ​មិនបាន​ដឹង​មូលហេតុ​របស់​វា​ច្បាស់​នៅឡើយ​ទេ ​។ គ្រូពេទ្យ​អាច​ណែនាំ​ឲ្យ​ពិនិត្យ​ដោយ​ការថត​អេកូដើម្បី​ចង់ដឹងថាដុំ​សាច់​ក្នុង​ស្បូ​នោះ​កំពុងតែ​លូតលាស់ ឬ ​បង្ក​ជា​ផលវិបាក​អ្វី​ដែរ​ ៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ parents

ឧបត្ថម្ភដោយ ៖ UniDry

www.winsuncambodia.com

អត្ថបទពេញនិយម

តារាស្រី ៥ ដួងនេះ មានមុខសុភាពស្រាប់ ទោះធ្វើតួឆ្នាសក៏មិនសូវសម !
ក្រោយលែងលះគ្នាដាច់ Yang Mi ស៊ីវិល័យប្លែក តែ Hawick បែរមុខមិនរីក ដើរទិញតែខោអាវថោកៗ
ទាំងនេះជាប្រទេសដែលមានអនាម័យ និង គិតគូរពីសុខភាពបំផុត
ច្បាស់ការហើយ! សាកសពដែលរកឃើញក្នុង​ផ្លូវ​ផ្នូរបុរាណនៃរជ្ជកាល ហាន គឺជាកំពូលមេទ័ព ឆាវឆាវ

មតិរបស់អ្នក