នៅថ្ងៃទី ១ ខែតុលា ឆ្នាំ ២០២៥ នេះ សារព័ត៌មាន Khaosod បានរាយការណ៍ពីករណីស្រុតផ្លូវមួយទៀតហើយ នៅទីក្រុងបាងកក ដែលអាជ្ញាធរកំពុងតែឆ្លេឆ្លាបិទចរាចរណ៍នៅតាមផ្លូវ ដើម្បីដោះស្រាយបញ្ហា។
តាមព័ត៌មានបានឱ្យដឹងថា ហេតុការណ៍នេះបានកើតឡើងនៅលើផ្លូវថានុនទុក ជិតកន្លែងអគ្គិសនីជាតិម្តុំតំបន់ចម្រើនក្រុង នាបាងខ-លេម ទីក្រុងបាងកក។ ការបាក់ស្រុតផ្លូវនេះ មានប្រវែងរហូតដល់ ២៦ ម៉ែត្រ និងជម្រៅប្រមាណ ២ ម៉ែត្រ។
ដោយឡែក អាជ្ញាធរប្រចាំតំបន់បានចុះអន្តរាគមន៍ ដោយបានបិទផ្លូវចំនួន ២ ជាបណ្តោះអាសន្ន ដើម្បីរក្សាសុវត្ថិភាពប្រជាពលរដ្ឋ ចំណែកអាជ្ញាធរពាក់ព័ន្ធផ្សេងៗកំពុងតែទៅត្រួតពិនិត្យកន្លែងកើតហេតុ ដើម្បីវាយតម្លៃស្ថានភាព និងរកដំណោះស្រាយផងដែរ៕
ប្រភព៖ Khaosod
