ប៉ុន្មានថ្ងៃមកនេះ គេសង្កេតឃើញថា Influencer របស់ថៃ គឺ Gun Jompalang បានមកអុកឡុកយ៉ាងខ្លាំងនៅភូមិនព្រៃចាន់ និងភូមិជោគជ័យ ដោយបានចាក់សំឡេងខ្មោចផង ចាក់រឿងកុនផង ឥឡូវមកច្នៃដ្រូនធ្វើជាអាបបង្ហោះពេញទឹកពេញដីទៀត ដែលទាំងអស់នេះ គឺក្នុងបំណងបំភ័យឱ្យប្រជាជនខ្មែរភ័យខ្លាច ហើយចាកចោលផ្ទះសម្បែងរបស់ខ្លួន។
ក្នុងនោះ កាលពីយប់ថ្ងៃទី ១៣ ខែតុលា ឆ្នាំ ២០២៥ កន្លងទៅនេះ Gun Jompalang បានរកនឹកឃើញគំនិតស្មោកគ្រោកថ្មីមួយទៀត ដើម្បីមកបំភ័យប្រជាជនខ្មែរ គឺបានយកក្បាលម៉ានីកាំងច្នៃជាខ្មោចអាប រួចភ្ជាប់ជាមួយនឹងដ្រូន ហើយបញ្ជាឱ្យហោះពេញទឹកពេញដីឱ្យប្រជាជនខ្មែរឃើញ។ ក្នុងវីដេអូ បានបញ្ជាក់ឱ្យឃើញថា Gun Jompalang ពិតជាមានមោទកភាពជាមួយនឹងគំនិតថោកទាបរបស់ខ្លួនណាស់ រីឯប្រជាជនថៃនៅក្បែរនោះក៏បាននាំគ្នាសរសើរលើកជើងមិនដាច់ពីមាត់ទៀត។
យ៉ាងណាមិញ បើទោះបីជារងការបំភិតបំភ័យ និងការរុកគួនយ៉ាងណាក៏ដោយ យើងឃើញថាប្រជាជនខ្មែរនៅតែតស៊ូការពារទឹកដីដោយមិនដកថយមួយជំហានណាឡើយ។ ប្រជាជនខ្មែរទាំងចាស់ ទាំងក្មេងនៅបន្តយាមទឹកដីផ្ទះសម្បែងរបស់ខ្លួនទាំងយប់ទាំងថ្ងៃ ដែលនេះបញ្ជាក់យ៉ាងច្បាស់ថានរណាគឺជាម្ចាស់ទឹកដីយ៉ាងពិតប្រាកដ៕
សូមចុចទីនេះដើម្បីទស្សនាវីដេអូ៖
