នៅខណៈនេះភ្លើងឆេះព្រៃ Palisades Fire កំពុងមានការវាយប្រហារយ៉ាងខ្លាំងនៅ Los Angeles រដ្ឋ California សហរដ្ឋអាមេរិក ដែលបង្កឱ្យលំនៅដ្ឋានជាច្រើនខ្នងរបស់ប្រជាជនបានក្លាយទៅជាចំណីរបស់ភ្លើងឱ្យឆេះសល់តែផេះ។
ក្នុងសោកនាដកម្មដ៏អាក្រក់នេះ ក៏មានផ្ទះមួយខ្នងរបស់ Pui Phornthip ដែលជាអតីត Miss Universe របស់ថៃឆ្នាំ ១៩៨៨ ផងដែរ។ Pui Phornthip បានរៀបរាប់ឱ្យដឹងថា ផ្ទះរបស់នាងនៅតំបន់ Malibu បានឆេះខ្ទេចគ្មានសល់អ្វី ដែលផ្ទះមួយខ្នងនេះជាផ្ទះដំបូងរបស់នាង ដែលរស់នៅជាមួយគ្រួសារមកជាង ២៥ ឆ្នាំទៅហើយ នាងពិតជាមានការសោកស្តាយខ្លាំងណាស់។
Pui Phornthip បានឱ្យដឹងថាទៀតថា វត្ថុអនុស្សាវរីយ៍ជាទីរំឭកនៃការចងចាំទាំងឡាយរបស់នាង ក៏ត្រូវភ្លើងលេបត្របាក់អស់ តែទោះយ៉ាងណាក៏ដោយជីវិតនៅតែមានតម្លៃជាង គឺពេលនេះនាង និង ក្រុមគ្រួសារមានសុវត្ថិភាពគ្រប់គ្នា។ នាងអរគុណទៅដល់មហាជនទាំងឡាយដែលបានសម្តែងក្តីបារម្ភ ហើយក៏ផ្ញើក្តីស្រឡាញ់ និងសូមបួងសួងចំពោះគ្រប់គ្នាផងដែរ៕
