មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការភ្ញាក់ផ្អើល ក្រោយបុរសម្នាក់បានចែករំលែករឿងរ៉ាវដែលលោកបានជួបប្រទះ ដែលមានប្រុសស្រី ២ នាក់ ក្លែងបន្លំទិញអីវ៉ាន់ ដោយប្រើប្រាស់លុយក្លែងក្លាយ។
ជាក់ស្ដែងតាមរយៈគណនីដែលមានឈ្មោះ Hem Vuthy បានបង្ហោះសារភ្ជាប់ជាមួយនឹងរូបភាពនៅថ្ងៃទី ២៩ ខែមករា ឆ្នាំ ២០២៥ ណែនាំឱ្យបងប្អូនអាជីវករមានការប្រុងប្រយ័ត្នទាំងគ្នា ដោយមានជនឆបោក បានបន្លំស្លៀកពាក់ធ្វើដូចជនជាតិឥស្លាម យកលុយក្លែងក្លាយមកទិញអីវ៉ាន់ មានក្រដាស ៥០$ ក្រដាស ១០០$ និង ក្រដាសប្រាក់ ៥០ ០០០ រៀល។
តាមប្រភពបានបន្តថា ៖ «ចង់ធ្វើសុីពេទ្យម៉េចបាន ចែកន្សែងក្រហមហ៊ានតែមកលើកក្រោយដឹងតែឱ្យដេកគុកហើយ»។
យ៉ាងណាមិញ បន្ទាប់ពីការបង្ហោះនេះ មានបងប្អូនមួយចំនួនបានបញ្ចេញមតិថាធ្លាប់បានជួបករណីដូចគ្នា និង ភិនភាគស្រដៀងគ្នានេះ ដែលថតជាប់ដោយកាមររ៉ាសុវត្ថិភាពនៅតាមតំបន់ភូមិសាស្ត្រផ្សេងៗគ្នា៕
