ថ្មីៗនេះ មានករណីមិននឹកស្មានមួយនៅប្រទេសចិន ដែលតាក់ស៊ី AI គ្មានមនុស្សបើក បានដឹកស្រ្តីម្នាក់ទៅធ្លាក់រណ្តៅជម្រៅ ៣ ម៉ែត្រ ធ្វើឱ្យនាងភិតភ័យព្រលឹងនៅចុងសក់។
តាមព័ត៌មានបានឱ្យដឹងថា ហេតុការណ៍នេះបានកើតឡើងកាលពីថ្ងៃទី ៦ ខែសីហា ឆ្នាំ ២០២៥ កន្លងទៅ ដោយស្រ្តីខាងលើនេះ បានប្រើសេវាកម្មតាក់ស៊ី AI មួយគ្រឿងឈ្មោះ Apollo Go ដែលគ្មានមនុស្សបើក របស់ក្រុមហ៊ុន Baidu ។ យ៉ាងណាមិញ នាងជិះមិនបានប៉ុន្មាន ឡានក៏បានបើកទៅធ្លាក់រណ្តៅការដ្ឋានសាងសង់ជម្រៅ ៣ ម៉ែត្រនៅតាមផ្លួវ ទាំងដែលគេមានដាក់ស្លាកតឿននៅជុំវិញ ធ្វើឱ្យនាងភិតភ័យស្រែកហៅគេជួយ ហើយក៏ត្រូវអ្នកស្រុកនៅក្បែរនោះជួយសង្រ្គោះ។
ដោយឡែក ជាសំណាងល្អស្រ្តីជាអ្នកដំណើរមិនបានរងរបួសអ្វីឡើយ តែនាងកើតការភិតភ័យរាងចាលជាខ្លាំង។ ចំណែកឯខាងក្រុម Baidu បានចេញមុខមកបកស្រាយ និង សន្យាថានឹងកែលម្អ ព្រមទាំងពង្រឹងឧបករណ៍ចាប់សញ្ញា ដើម្បីទប់ស្កាត់គ្រោះថ្នាក់បែបនេះកុំឱ្យកើតឡើងនៅថ្ងៃមុខទៀត៕
ប្រភព៖ Sanook
