កាលពីថ្ងៃទី ២៣ ខែតុលា ឆ្នាំ ២០២៥ កន្លងទៅនេះ មានករណីមួយនៅប៉ាតាយ៉ា ប្រទេសថៃ ដែលមានបុរសជនជាតិឥណ្ឌាត្រូវស្រីរកស៊ីផ្លូវភេទលួចលុយអស់ពីខ្លួន ក្រោយពីបាននាំគ្នាឡើងទៅកាន់បន្ទប់។
តាមព័ត៌មានបានឱ្យដឹងថា នៅម៉ោងប្រហែល ១ យប់រំលងអធ្រាត្រ ឈានចូលថ្ងៃទី ២៤ ខែតុលានេះ បុរសជនជាតិឥណ្ឌទាំង ២ នាក់ មានម្នាក់វ័យ ៥២ ឆ្នាំ និង ម្នាក់ទៀតវ័យ ៣៨ បានមកប្តឹងអាជ្ញាធរនៅប៉ុស្តិ៍មឿងប៉ាតាយ៉ា ស្រុកបាងលៈមុង ខេត្តឈុនបុរី ដោយថាត្រូវបាននារីម្នាក់លួចលុយអស់ជាង ១៥០០ ដុល្លារ។ បុរសទាំង ២ បានរៀបរាប់ឱ្យដឹងថា ពួកគេបានឃើញស្រីស្អាតម្នាក់នៅឯឆ្នេរប៉ាតាយ៉ា ក៏កើតការពេញចិត្ត ហើយបាននាំមកប្រើសេវាកម្មនៅលើបន្ទប់ស្នាក់នៅរបស់ខ្លួន។ នៅពលមកដល់ ខាងស្រីធ្វើជាសុំចូលបន្ទប់ទឹក តែចេញមកវិញស្រាប់តែឈ្លោះគ្នាយ៉ាងខ្លាំង ហើយនាងក៏ចេញទៅវិញបាត់ទៅ។ នៅពេលដែលនាងចេញបាត់ ពួកគេបានពិនិត្យមើលទ្រព្យសម្បត្តិ ក៏ឃើញថាលុយនៅក្នុងកាបូបបានបាត់ទាំងអស់ ដែលក្នុងនោះមានទាំងលុយបរទេស និង លុយថៃសរុបប្រមាណ ១៥០០ ដុល្លារ។
យ៉ាងណាមិញ ជនរងគ្រោះទាំង ២ នាក់ បានដាក់ពាក្យបណ្តឹង និង ស្នើឱ្យអាជ្ញាធរជួយពិនិត្យមើលកាមេរ៉ាសុវត្ថិភាព ដើម្បីតាមចាប់នារីជាចោរ ហើយយកដំណើរការក្តីតាមផ្លូវច្បាប់៕
ប្រភព៖ CH7
