សារព័ត៌មាន MS News បានរាយការណ៍ពីករណីមួយនៅប្រទេសចិន ដែលគ្រួសារមួយឪពុកទើបតែស្លាប់ហើយ កូនប្រុស ៤ នាក់ចេញពីធ្វើបុណ្យក៏នាំគ្នាទៅដេកផ្ទះ ស្រាប់តែព្រឹកឡើងគេប្រទះឃើញដេកស្លាប់ទាំងអស់គ្នា។
តាមព័ត៌មានបានឱ្យដឹងថា ហេតុការណ៍មួយនេះ បានកើតឡើងនៅខេត្ត Shaanxi ស្រុក Xinzhou ដោយដំបូងឡើយឪពុកដែលមានវ័យ ៩០ ឆ្នាំរបស់គ្រួសារនេះបានបាត់បង់ជីវិត ហើយកូនៗទាំង ៤ នាក់ ដែលក្នុងនោះមានកូនប្រុសបង្កើត ៣ នាក់ និង កូនប្រសា ១ នាក់ បាននាំគ្នាមកធ្វើបុណ្យឪពុក ដោយបាននាំយកទៅកប់តាមប្រពៃណី រួចក៏នាំគ្នាត្រឡប់ទៅសម្រាកនៅផ្ទះវិញ។
យ៉ាងណាមិញ ក្រោយមកអ្នកទាំង ៤ ត្រូវបានអ្នកស្រុកប្រទះឃើញស្លាប់ទាំងអស់គ្នានៅក្នុងផ្ទះនោះ ដោយការស៊ើបអង្កេតបានឱ្យដឹងថា ពួកគេបានស្លាប់ដោយសារតែការស្រូបឧស្ម័នកាបូនម៉ូណូអុកស៊ីត។ ដោយឡែក មានមហាជនមួយចំនួនបានសង្ស័យថា ពួកគេបានដុតភ្លើងកម្ដៅនៅក្នុងផ្ទះ ហើយមិនបានបើកផ្សែងចេញទៅខាងក្រៅ ទើបបណ្តាលឱ្យកើតទៅជាឧស្ម័នពុលបែបនេះ។ តែយ៉ាងណាក៏ដោយមូលហេតុពិតនៃការស្លាប់របស់ពួកគេនៅមិនទាន់បានបញ្ជាក់នៅឡើយនោះទេ៕
ប្រភព៖ Kapook
