ពិតណាស់ នៅរាត្រីថ្ងៃទី ២២ ខែឧសភា ឆ្នាំ ២០២៤ កន្លងទៅនេះ កម្មវិធីប្រកួត Miss Queen Cambodia បានឈានដល់វគ្គប្រកួតផ្ដាច់ព្រ័ត្រ និង ប្រកាសរកឃើញម្ចាស់មកុដថ្មី MQC 2025 និង តំណែងថ្មីផ្សេងៗទៀតនៃកម្មវិធី Miss Queen Cambodia 2025 នេះ។
ដោយឡែក ក្រោយកម្មវិធីបានប្រកួតចប់ដោយរលូន មកដល់ល្ងាចថ្ងៃទី ២៣ ខែឧសភា ឆ្នាំ ២០២៥ នេះ មហាជនអ្នកគាំទ្រវិស័យបវរកញ្ញាបានផ្ទុះការភ្ញាក់ផ្អើលខ្លាំង ក្រោយពីបានឃើញម្ចាស់មកុដឆ្នាំចាស់កញ្ញា ហានី ម្ចាស់មកុដ Miss Queen Cambodia 2024 បានចេញបង្ហោះសារ និង ឡាយវីដេអូយ៉ាងភ្ញាក់ផ្អើល ដោយបង្ហាញការប្រតិកម្មលើកម្មវិធី MQC និង តូចចិត្តខ្លាំងជុំវិញរឿងរ៉ាវកើតឡើងក្នុងរាត្រីផ្ទេរមកុដ។
តាមរយៈការរៀបរាប់ក្នុងការឡាយទាំងទឹកភ្នែក កញ្ញា ហានី បានឱ្យដឹងថាក្នុងនាមនាងជាម្ចាស់មកុដ MQC 2024 បែរជាពុំបានឡើងនិយាយលាតំណែង និង មិនមានឱកាសបានបំពាក់មកុដឱ្យម្ចាស់ជ័យលាភីថ្មី MQC 2025 ដោយពេលនោះ នាងបានត្រឹមតែដើរបង្ហាញខ្លួន និង បំពាក់មកុដឱ្យម្ចាស់តំណែងផ្សេងៗទៅវិញ ដែលកម្មវិធីហាក់បំពាក់មុខនាង ធ្វើឱ្យនាងខ្មាសគេខ្លាំង៕
សូមចុចទីនេះដើម្បីទស្សនាវីដេអូ៖
