Connect with us

ជីវិត & ការងារ

មាន​ប្រាក់ខែ​ ​៥០០ ដុល្លារ​ឡើង​ ​បើ​ទ្រាំ​មិន​ចាយ​លើ​ ​៥​ ​យ៉ាងនេះ​បាន​ ​ដឹង​តែ​សល់​កប់​ក្ដោង​

on

Advertisement

​គ្មាន​នរណា​ម្នាក់​ដែល​ថា​មិន​ចង់​សល់​លុយ​នោះ​ទេ​ ​តែម​ក​ពី​គ្រប់គ្រង​ប្រាក់ចំណូល​មិនបាន​ល្អ​ ​ទើប​អ្នកខ្លះ​មាន​ប្រាក់ខែ​ច្រើន​ប៉ុនណា​ក៏​មិនដែល​សល់​ ​។​ ​ខាងក្រោម​នេះ​ ​ជា​ការ​ចំណាយ​មិនសូវ​សំខាន់​ទាំង​ ​៥​ ​យ៉ាង​ ​ទើប​ធ្វើឲ្យ​អ្នក​មិន​ងាយ​នឹង​សល់​លុយ​ ​ប្រសិនបើ​មិន​ចាយ​លើ​រឿង​ទាំងនេះ​បាន​ល្អ​បំផុត​ ​។​ ​

​១​.​ ​កុំ​ទិញ​របស់​ណា​ដែល​ថ្លៃ​ហួសហេតុ​ទោះ​មានលទ្ធភាព​ក៏ដោយ​ ​

​ត្រង់​ចំណុច​នេះ​មានន័យថា​ ​ទោះបីជា​មាន​ប្រាក់ខែ​ច្រើន​គួរសម​ ​អាច​មានលទ្ធភាព​ដែល​អាច​ទិញ​របស់​ដែល​ថ្លៃ​បាន​ក៏​មិនមែន​មានន័យថា​ ​យើង​សល់​លុយ​ចាយ​លែង​អស់​ឡើយ​ ​គ្រាន់តែ​ថា​សុខចិត្ត​មិន​ទុក​លុយ​ឲ្យតែ​បាន​របស់​នោះ​ប៉ុណ្ណោះ​ ​។​ ​ដូច្នេះ​បើ​កាន់តែ​មានលទ្ធភាព​ ​គឺ​កាន់តែ​មានឱកាស​សន្សំ​លុយ​ ​កុំ​យក​លុយ​ដែល​ប្រុងនឹង​សល់​ទៅ​ចំណាយ​អ្វី​ដែល​លើស​ពី​សមត្ថភាព​ ​ប្រសិនបើ​យើង​ពិតជា​ចង់​សល់​លុយ​មែន​ ​។​ ​

​២​.​ ​កាត់បន្ថយ​ការ​ជួបជុំ​ជាមួយ​មនុស្ស​ចូលចិត្ត​ចាយ​ធំ​

​ការសេពគប់​មិត្តភក្ដិ​ ​គឺ​កើត​ចេញពី​ចិត្ត​មិន​គិត​មាន​ ​ឬ​ ​ក្រ​ ​ឡើយ​ ​តែ​សូមកុំ​ព្យាយាម​រាប់អាន​បុគ្គល​ដែល​មាន​ទ្រព្យ​ច្រើន​ហូ​ហៀរ​ព្រោះតែ​ចង់​ហ៊ឺហា​ដូច​គេ​ឲ្យសោះ​ ​។​ ​អ្នកមាន​ខ្លាំង​មាន​លុយ​ចាយ​លែង​អស់​ ​ទោះ​មួយថ្ងៃ​ចង់​ចំណាយ​ប៉ុន្មាន​ក៏​មិនជា​បញ្ហា​ ​តែ​អ្នក​ដែល​មាន​លុយ​តិចតួច​ខំប្រឹង​ចាយ​ធំ​ឯណេះ​ទេ​ ​ទើប​ជា​បញ្ហា​ ​។​ ​ស៊ូ​ចាយ​លុយ​សម​ល្មម​តាម​លទ្ធភាព​ ​ដើម្បី​មាន​លុយកាក់​សល់​ខ្លះ​ ​ប្រសើរ​ជាង​ចាយ​ធំ​រាល់ថ្ងៃ​ ​តែ​ចុងខែ​រកតែ​មី​កញ្ចប់​មិន​ចង់បាន​ ​។​

៣​.​ ​ការ​ចាយ​បង្ហូរ​ទៅតាម​អារម្មណ៍​ ​

​អ្នក​ដែល​សល់​ ​គឺជា​អ្នក​ដែល​មាន​ផែនការ​ចាយវាយ​ប្រចាំថ្ងៃ​ដ៏​ច្បាស់លាស់​ ​។​ ​ចំណែក​អ្នក​ដែល​មិន​សល់​លុយ​ទោះ​ប្រាក់ខែ​ច្រើនយ៉ាង​ណា​នោះ​ ​គឺ​អាចម​ក​ពី​ចំណុច​នេះ​ ​។​ ​បើ​ចាយ​ទៅតាម​អារម្មណ៍​ ​ជួនកាល​វា​មិន​សំខាន់​នោះ​ទេ​ ​ចាយ​ក៏បាន​មិន​ចាយ​ក៏បាន​ ​តែម​ក​ពី​មាន​លុយ​ក្នុង​ដៃ​ ​និង​ ​អារម្មណ៍​បញ្ជា​ថា​ចង់បាន​ផង​ក៏​ទិញ​ភ្លាម​ដោយ​មិន​គិតពិចារណា​ឡើយ​ ​ស្រាប់តែ​ទិញ​ហើយ​នឹកស្ដាយក្រោយ​ថា​ ​បើ​មិន​ទិញ​ក៏​មិន​អី​ ​។​ ​ដូច្នេះ​មុន​ចាយ​ត្រូវ​សួរ​ខ្លួនឯង​សិន​ថា​ ​តើ​វា​ពិតជា​តម្រូវការ​ចាំបាច់​ដែរ​ទេ​?​ ​ត្រូវ​សួរ​ខ្លួនឯង​គ្រប់ពេល​ប្រសិនបើ​អ្នក​ពិតជា​ចង់​សល់​លុយ​មែន​ ​។​ ​

​៤​.​ ​កុំ​ចំណាយ​លើ​ការ​ប៉ាវ​អ្នកដទៃ​ទោះ​មាន​លុយ​ប៉ុនណា​ក៏ដោយ​ ​

​និយាយ​ពី​ការ​ជួបជុំ​ញ៉ាំ​អាហារ​ជុំគ្នា​ ​ការ​ចេញលុយ​ស្មើគ្នា​ ​គឺជា​ជម្រើស​ដ៏​ល្អ​បំផុត​ ​ដើម្បី​រាប់អាន​គ្នា​បាន​យូរ​ ​។​ ​កុំ​ទម្លាប់​ចេញលុយ​ឲ្យ​អ្នកណា​ ​ទោះ​ស្និទ្ធស្នាល​នឹងគ្នា​ប៉ុណ្ណា​ក៏ដោយ​ ​លើកលែងតែ​ករណី​ចាំបាច់​ប៉ុណ្ណោះ​ ​។​ ​ការ​ចេញលុយ​ឲ្យ​អ្នកដទៃ​អាច​ធ្វើឲ្យ​ក្លាយជា​ទម្លាប់​ ​ដែល​លើ​ក​ក្រោយ​ៗ​បើ​មានការ​ញាំ​អី​ជុំគ្នា​ទៀត​ ​គេ​អាច​នឹង​អាង​យើង​ ​ហើយ​បើសិនជា​យើង​បែរជា​លែង​ចេញ​វិញ​ ​គឺ​ទៅជា​អាក្រក់​ ​។​ ​ម្យ៉ាងទៀត​ក៏អាច​ទុក​លុយ​សម្រាប់​ប៉ាវ​អ្នកដទៃ​នោះ​ ​មក​ជា​លុយ​សន្សំ​វិញ​ ​។​

​៥​.​ ​កុំ​ទម្លាប់​ឃើញ​លុយ​ចុងខែ​សល់​ច្រើន​បែរជា​ខំ​ចាយ​ឲ្យអស់​ ​

​បើសិនជា​ចុងខែ​សល់​លុយ​ ​គឺជា​ឱកាស​ដ៏​ល្អ​បំផុត​ហើយ​ ​ដែល​យើង​អាចយ​ក​លុយ​ទាំងនេះ​មក​សន្សំ​បាន​ ​។​ ​អ្នកខ្លះ​ឃើញ​សល់​លុយ​ចុងខែ​បែរជា​ខំ​ចាយ​ឲ្យអស់​ ​ព្រោះ​អាង​ជិត​បើកប្រាក់ខែ​ ​។​ ​ដូច្នេះ​សួរ​ថា​ ​ខំ​សន្សំ​តាំងពី​ដើមខែ​មក​មានន័យ​អ្វី​ ​?​ ​មិនថា​លុយ​នោះ​តិច​ ​ឬ​ ​ច្រើន​គួរតែ​ទុក​ទៅ​ ​ដើម្បី​គៀង​គរ​ចូលក្នុង​កូនជ្រូក​ ​៕​ ​

អត្ថបទ ៖ រាជ

អត្ថបទពេញនិយម

លោកជំទាវ យឹម ឆៃលីន ស្រ្តីខ្មែរទី ១ ដែលផ្តល់កិត្តិយសដើរលើកម្រាលព្រំក្រហមជាមួយកំពូលតារាល្បីលើពិភពលោក ក្នុងកម្មវិធី Cannes Film Festival
បាត់មុខរាប់ឆ្នាំ​ ​អ៊ិ​ន​ ​វល​ក្ខ័​ទេពី​ ​នៅតែ​ស្អាតមិនចាញ់ពីដើម ពេលទើបចូលសិល្បៈ​ ​!​
រំភើបខ្លាំងណាស់ បុរសម្នាក់បែកពីម្តាយជិត ៣០ឆ្នាំ ទើបតែរកឃើញ (វីដេអូ)
តំបន់ទេសចរណ៍ធម្មជាតិតម្លៃ ៥០០ លានដុល្លារ នឹងមានវត្តមាននៅខេត្តកំពង់ស្ពឺ

មតិរបស់អ្នក

Sponsored
Sponsored