មហាជន និយមតាមដានបណ្តាញសង្គមនានាកន្លងមក ច្បាស់ជាបានជ្រាបហើយពីរឿងរ៉ាវព្យុះភ្លៀងរបស់អតីតពិធីការិនីល្បីឈ្មោះ វីជេ អាណូ កាលពីអំឡុងខែសីហា ឆ្នាំ ២០២៣ កន្លងទៅ ក្រោយពីអ្នកនាង បានបាត់មុខលើវិថីសិល្បៈអស់រយៈពេលជាច្រើនឆ្នាំ ដែលបានចាក់ខ្លួនឯងរហូតមានរបួសធ្ងន់ត្រូវបញ្ជូនទៅមន្ទីរពេទ្យ។ កាលនោះ ក្រោយទទួលបានដំណឹងរន្ធត់ខាងលើហើយ មហាជនក៏បានដឹងដែរថា ដើមហេតុនាំឱ្យវីជេ អាណូ គិតខ្លីនោះថា បណ្តាលមកពីស្ថានភាពផ្លូវចិត្ត និង ផ្លូវកាយរបស់នាងពាក់ព័ន្ធនឹងទំនួលខុសត្រូវខ្ពស់ក្នុងជីវិតរបស់នាងខ្លាំងពេក។
យ៉ាងណាមិញ ក្រោយភ្លៀងមេឃស្រឡះ និង មានការលើកទឹកចិត្តទាំងកម្លាំងកាយ កម្លាំងចិត្តក្នុងរឿងអាក្រក់ខាងលើនោះ មហាជនអ្នកលេងបណ្តាញសង្គមហ្វេសប៊ុក ក៏បានឃើញវីជេ អាណូ បានវិលត្រឡប់មកប្រកបអាជីពចិញ្ចឹមជីវិតប្រចាំថ្ងៃវិញហើយ ដោយអ្នកនាងកំពុងមមាញឹកក្នុងអាជីពជាអ្នកលក់អាហារតាមអនឡាញ និង នៅក្នុងហាងយីហោ «Christian បាយសាច់ជ្រូកអាំងពិសេស»។
យ៉ាងណាមិញ វីជេ អាណូ ធ្លាប់បានបង្ហោះរូបភាព និង សារនៅលើគណនី Tik Tok របស់អ្នកនាងរៀបរាប់អារម្មណ៍សោកស្តាយមួយកាលពី ២០ ឆ្នាំមុនថា៖ «២០ ជាង ឆ្នាំមុន ដើរខុសបន្តិច ក៏ខុសរហូត ក៏ព្រោះតែកាអាណិតទើបលះបង់ (បើសួរ ថាស្តាយក្រោយ ឬក៏អត់ ស្តាយៗខ្លាំងណាស់ តែបើបកក្រោយបាន បក ឬ ក៏អត់ ចម្លើយអត់ទេ ព្រោះមានកូន បើមិនមានកូន កុំអីមិនដឹងថ្មើរនេះ ជីវិតនេះមិនដឹងដល់ណាទេ (ហេងស៊យ កើតអេដស៍ងាប់បាត់ហើយ) រូបនេះ កូនស្រីធំសួរ ថា mak mak is this you កូនស្រីពៅ និយាយថា no no she is a super star! នឹក និង ស្រឡាញ់កូនណាស់»៕
