ពិតជាហេតុការណ៍មួយដ៏គួរឱ្យរន្ធត់ណាស់ កាលពីថ្ងៃទី ១២ ខែមិថុនា ឆ្នាំ ២០២៥ កន្លងទៅ ដោយយន្តហោះមួយគ្រឿងរបស់ឥណ្ឌាបានធ្លាក់នៅក្នុងទីក្រុង Ahmedabad បន្ទាប់ពីហោះហើរបានតែមួយភ្លែត ដែលបង្កឱ្យមានអ្នកដំណើរបាត់បង់ជីវិតយ៉ាងហោចណាស់ជាង ២០០ នាក់។
ក្នុងនោះដែរ ក្នុងចំណោមជនរងគ្រោះទាំងអស់ មានគ្រួសារមួយដែលសមាជិក ៥ នាក់ បានស្លាប់ទាំងអស់នៅក្នុងហេតុការណ៍នេះយ៉ាងគួរឱ្យអាណិត។ តាមព័ត៌មានបានឱ្យដឹងថា គ្រួសារមួយនេះជាជនជាតិឥណ្ឌា ដែលមានបុរសជាប្តីគឺជាដុកទ័រម្នាក់ ដែលបានធ្វើការនៅប្រទេសអង់គ្លេសជាង ៦ ឆ្នាំទៅហើយ ហើយក៏មានគម្រោងនាំយកប្រពន្ធ និង កូនៗចំនួន ៣ នាក់ទៅរស់នៅទីនោះជាមួយគ្នាដែរ។
ក្រោយពីការខំព្យាយាមរត់ឯកសារជាច្រើនឆ្នាំ បុរសជាប្តីក៏អាចនាំប្រពន្ធ និង កូនៗទៅរស់នៅប្រទេសអង់គ្លេសបាន ដោយសង្ឃឹមថានឹងសាងជីវិតថ្មីជាមួយគ្នា។ ជាអកុលនៅថ្ងៃចេញដំណើរ កាលពីថ្ងៃទី ១២ ខែមិថុនា ឆ្នាំកន្លងទៅនេះ សុបិន្តពួកគេមួយគ្រួសារត្រូវបានរលត់ ព្រោះយន្តហោះត្រូវបានធ្លាក់យ៉ាងរន្ធត់ ដែលធ្វើឱ្យក្រុមគ្រួសារនេះត្រូវអស់ជីវិត ទាំងមិនទាន់បានជាន់ទឹកដីប្រទេសអង់គ្លេសផង៕
ប្រភព៖ Facebook
