ថ្មីៗនេះ សារព័ត៌មាន Ettoday បានរាយការណ៍ពីករណីដ៏គួរឱ្យហួសចិត្តមួយនៅប្រទេសចិន ដែលមាននារីម្នាក់រៀនបើកឡានថ្ងៃដំបូង ស្រាប់តែភ្លាត់ស្នៀតយ៉ាងមិចមិនដឹង ស្រាប់តែឡានហោះទៅជាប់នៅឯចុងឈើ មហាជនឃើញហើយហួសចិត្តផង អាណិតផង។
យ៉ាងណាមិញ តាមព័ត៌មានបានឱ្យដឹងថា ខាងសាលាបង្រៀនបើកបរដល់ថ្នាក់ហៅឡានស្ទូច មកជួយយកឡានដែលជាប់នៅលើចុងឈើនោះចេញ ដែលធ្វើឱ្យករណីមួយនេះ ត្រូវបានមហាជននៅតាមបណ្តាញសង្គមចិននាំគ្នាផ្ទុះការចែកចាយពេញបណ្តាញសង្គម ដោយមានអ្នកខ្លះមានមតិថានារីរូបនេះមិនគួរបើកបរនោះទេ ព្រោះខ្លាចបង្កឱ្យគ្រោះថ្នាក់តាមដងផ្លូវណាមួយកើតឡើងទៀត រីឯអ្នកខ្លះវិញក៏មិនជឿទៅលើករណីនេះ ដោយគិតថាគ្រាន់តែជាការរៀបចំសម្តែងដើម្បីទាក់ទាញចំណាប់អារម្មណ៍។
ដោយឡែក ចុងក្រោយករណីនេះក៏បានដឹងទៅដល់អាជ្ញាធរប្រចាំតំបន់ ដែលខាងអាជ្ញាធរក៏បានចុះមកស៊ើបសួរទើបដឹងថា ឡានខាងលើនេះមិនមាននារីណាមកបើកឱ្យទើរនៅលើនោះ និង មិនមែនជាឧប្បទ្ទវហេតុអ្វីឡើយ តែខាងសាលាបង្រៀនបើកបរខ្លួនឯង ដែលយកឡានមកដាក់លើនេះ ដើម្បីធ្វើ Content តាមបណ្តាញសង្គមប៉ុណ្ណោះ៕
ប្រភព៖ Kapook
