និយាយដល់ តុក្កតាបិសាច Labubu មិនថាទាំងប៉ែកអាស៊ី និង អឺរ៉ុប សុទ្ធតែកំពុងដណ្តើមគ្នាទិញ យកមកធ្វើជារបស់សំណព្វចិត្ត ខណៈវាមានតម្លៃចម្លោះពី ២០ ទៅ ៣០ ដុល្លារប៉ុណ្ណោះ។
ជាមួយទីផ្សារកើនឡើងជាលំដាប់ តុក្កតាបិសាច Labubu អាចរកចំណូលឡើងតួលេខយ៉ាងឆាប់រហ័ស រហូតធ្វើឱ្យបុរស CEO ជនជាតិចិនវ័យក្មេងម្នាក់ ដែលជាម្ចាស់ក្រុមហ៊ុនលក់ប្រដាប់ក្មេងលេង Pop Mart ក្លាយជាមហាសេដ្ឋីត្រឹមតែមួយប៉ប្រិចភ្នែក។
ជាការពិតណាស់ បុរសជនជាតិចិន លោក Wang Ning ត្រូវបានគេស្គាល់ថា ជាប្រធាន និង ជានាយកប្រតិបត្តិនៃក្រុមហ៊ុន Pop Mart International Group ដែលបានចាប់ដៃគ្នាជាមួយសិល្បករជនជាតិហុងកុង Kasing Lung ដែលជាអ្នកបង្កើតតុក្កតា Labubu ដាក់លក់នៅក្នុងក្រុមហ៊ុនរបស់លោកនៅក្នុងឆ្នាំ ២០១៩។ ក្នុងវ័យទើបតែខ្ទង់ ៣០ ឆ្នាំ លោក Wang Ning គឺជាអ្នកនៅពីក្រោយភាពជោគជ័យផ្នែកពាណិជ្ជកម្មរបស់តុក្កតានេះ ។
យោងតាមតារាងឈ្មោះមហាសេដ្ឋីរបស់ទស្សនាវដ្ដី Forbes (Forbes’ Real-Time Billionaires List) ទ្រព្យសម្បត្តិសុទ្ធរបស់ លោក Wang Ning ម្ចាស់ក្រុមហ៊ុន Pop Mart ឥលូវនេះមានចំនួនប្រមាណ 22.7 ពាន់លានដុល្លារ ដែលធ្វើឱ្យលោកក្លាយជាបុគ្គលម្នាក់ក្នុងចំណោមបុគ្គល ដែលមានបំផុតទាំងដប់នៅក្នុងប្រទេសចិន។ មកដល់ចំណុចមួយក្នុងខែមេសា ឆ្នាំ ២០២៥ ទ្រព្យសម្បត្តិរបស់លោក បានកើនឡើងចំនួន 1.6 ពាន់លានដុល្លារក្នុងមួយថ្ងៃ ដែលបានពីការកើនឡើងប្រជាប្រិយភាពទាំងស្រុងរបស់តុក្កតា Labubu នៅសហរដ្ឋអាមេរិក។
បច្ចុប្បន្ន តុក្កតាមុខអាក្រក់ ធ្មេញស្ញាញ តែគួរឱ្យស្រលាញ់នេះ បានកំពុងបោកបក់ដូចព្យុះទៅក្នុងវិស័យជាច្រើន ជាពិសេស ឧស្សាហកម្មហ្វេហ្សិនប្រណីត វប្បធម៌តារាល្បីៗ និង អាជីវកម្មចម្រុះតូចធំរហូតដល់ខ្នាតយក្ស៕
ប្រភព៖ TN
