ជាការពិតណាស់ ប៉ុន្មានថ្ងៃមកនេះអ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រតារាចម្រៀង យក់ ថិតរដ្ឋា បានដឹងមកហើយនូវរឿងរ៉ាវរបស់អ្នកនាង និង ស្វាមី ដែលទទួលបានការប្រើពាក្យសម្តីមិនសមរម្យពីសិស្សប្អូនជំនាន់ក្រោយម្នាក់។ ក្នុងនោះ អ្នកនាង យក់ ថិតរដ្ឋា ក៏បានបង្ហាញវត្តមានក្នុងកម្មវិធី 3 Fun ដើម្បីបកស្រាយថាមានរឿងអ្វីកើតឡើងផងដែរ។
យ៉ាងណាមិញ ក្រោយការបង្ហាញវត្តមាន និង បកស្រាយរបស់អ្នកនាង យក់ ថិតរដ្ឋា នៅលើបណ្តាញសង្គមហ្វេសប៊ុក និង កម្មវិធី 3 Fun ហើយនោះ ក្រឡេកមកមើលកញ្ញា ញឹម ចាន់ថន ដែលជាមិត្តស្និទ្ធស្នាលរបស់អ្នកនាង យក់ ថិតរដ្ឋា ក៏បានបង្ហោះសារមួយឃ្លា។
ក្នុងនោះ កញ្ញា ញឹម ចាន់ថន បានរៀបរាប់ថា ៖ «លាក់អ្វី លាក់បាន តែលាក់មារយាទ សន្ដានមិនបានទេ! មនុស្សសន្ដានមិនល្អ ថ្ងៃណាមួយនឹងលាតត្រដាងការពិត យល់អត់មីសិស្សប្អូនជំនាន់ថ្មី»។ សារនេះ បានធ្វើឱ្យមហាជន និង អ្នកក្នុងចង្កោមសិល្បៈកាន់តែចាប់អារម្មណ៍ ហើយចង់ដឹងថាតើសិស្សប្អូនដែលគេកំពុងនិយាយនោះជាតារារូបណាមួយ៕
