ចំពោះស្រីស្អាត ពេជ្រ ពិសី មហាជនភាគច្រើនបានជ្រាបហើយថា នាងមិនត្រឹមជាអ្នកបង្កើតមាតិកាវីដេអូលើបណ្ដាញសង្គម និង ជា Influencer ល្បីឈ្មោះមួយរូបទេ តែបច្ចុប្បន្ននាងអាចចាត់ទុកជាអ្នកជំនួញវ័យក្មេងលើវិស័យអនឡាញដ៏ជោគជ័យមួយរូបដែរ។
លើសពីនេះ ទាក់ទងនឹងរឿងរ៉ាវស្នេហាវិញ ពេជ្រ ពិសី ក៏កាន់តែធ្វើឱ្យមហាជនសរសើរ និង ច្រណែន ដែលទទួលបានដៃគូជីវិតដ៏ស័ក្តិសម មិនត្រឹមតែបានសាងចំណងស្នេហាដ៏ផ្អែមល្ហែម តែអ្នកទាំងពីរក៏បានចាប់ដៃគ្នារកស៊ីយ៉ាងជោគជ័យជាមួយគ្នា ព្រមទាំងត្រៀមសាងជីវិតគ្រួសារមួយដ៏មានក្ដីសុខផងដែរ។
ជាក់ស្ដែង ថ្មីៗនេះ ពេជ្រ ពិសី និង ដណ្ដឹង កំពុងធ្វើឱ្យមហាជនអ្នកគាំទ្របង្ហាញការអបអរ និង រំភើបជំនួស ខណៈបានឃើញនាងបង្ហាញរូបភាពប៉ុន្មានក្នុងឈុតសម្លៀកបំពាក់ប្រពៃណីខ្មែរ ដែលអ្នកទាំងពីរបានដឹកដៃគ្នាទៅសំអាងការលឈុតរៀបការ ដោយអាចនឹងកំពុងត្រៀមចូលរោងការឆាប់ៗខាងមុខនេះ។ ក្នុងនោះ ពេជ្រ ពិសី បានបង្ហោះរូបភាពភ្ជាប់ជាមួយសារមានអត្ថន័យថា ៖ «រូបភាពខ្លះអត្ថន័យជ្រាលជ្រៅជាងបាតសមុទ្រទៀត»៕
