មហាជននិយមតាមដានការប្រគំតន្ត្រីធំៗ ឬ កម្មវិធី ដែលមានការសហការណ៍នឹងប្រទេសកូរ៉េ ច្បាស់ជាធ្លាប់បានឃើញពិធីការិនីជនជាតិកូរ៉េស្រស់សោភា ដែលតែងតែធ្វើជាអ្នកបកប្រែភាសាមានឈ្មោះថា «នារីកូរ៉េ» ជាក់ជាមិនខាន។ ពិធីការិនី នារីកូរ៉េ រូបនេះ មិនត្រឹមតែមានតួនាទីក្នុងការបកប្រែនោះឡើយ នាងក៏ជា Influencer មួយរូប ជ្រកក្រោម K’ve Entertainment ជាមួយនឹងតារាចម្រៀងស្រី Mina ទៀតផង។
ជាការពិតណាស់ ពិធីការិនី នារីកូរ៉េ ត្រូវបានគេចាប់អារម្មណ៍ ក្រោយពីនាងបានបង្ហាញវត្តមានធ្វើជាពិធីការិនីផង និង ជាអ្នកបកប្រែផង នៅក្នុងកម្មវិធីតន្ត្រីខ្នាតធំមួយចំនួន ដែលមានការចូលរួមពីសំណាក់តារាចម្រៀង K-Pop។
ក្នុននោះ នារីកូរ៉េ បានទាញយកប្រជាប្រិយភាពខ្លាំងពីសំណាក់អ្នកទស្សនា បើទោះជាការនិយាយភាសាខ្មែររបស់នាងមិនទាន់ច្បាស់នៅឡើយក៏ពិតមែន ប៉ុន្តែ នារីកូរ៉េ អាចអាន និង សរសេរភាសាខ្មែរបានយ៉ាងល្អ។ លើសពីនោះ នារីកូរ៉េ បានឆក់យកបេះដូងអ្នកគាំទ្រ ព្រោះតែភាពរួសរាយរាក់ទាក់ និង សម្រស់ស្រស់សោភារបស់នាងពីសំណាក់អ្នកគាំទ្រកម្ពុជាទៀតផង។
គួរជម្រាបថា នារីកូរ៉េ បានមករស់នៅប្រទេសកម្ពុជាជាច្រើនឆ្នាំហើយដែរ ហើយកន្លងទៅថ្មីៗនេះ ពិធិការិនីជនជាតិកូរ៉េរូបនេះ បានប្រកាសក្តែងៗថា នាងស្រឡាញ់កម្ពុជា ហើយចាត់ទុកកម្ពុជា គឺជាទឹកដីកំណើតទី ២ របស់នាង៕
