ធម្មតាតែមិនធម្មតា! វណ្ណដា តារាចម្រៀងរ៉េបកម្ពុជាដំបូង មានតារាចម្រៀងរ៉េបបរទេសសហការច្រៀងច្រើនជាងគេ

ការពិតណាស់ មហាជនបានជ្រាបមកហើយពីកេរ្តិ៍ឈ្មោះតារាចម្រៀងរ៉េប វណ្ណដា ដែលមិនត្រឹមតែមានឈ្មោះល្បីសុសសាយនៅក្នុងប្រទេសកម្ពុជានោះទេ លោកក៏ទទួលបានប្រជាប្រិយភាពខ្លាំងនៅក្រៅប្រទេសផងដែរ។

តារាចម្រៀងរ៉េបប្រចាំផលិតកម្មបារមីរូបនេះ ក៏ពាំនាំឈ្មោះកម្ពុជាឡើងទៅលើឆាកអន្តរជាតិជាច្រើន ដោយឆាកធំបំផុតចុងក្រោយនោះ គឺកម្មវិធីកីឡាអូឡាំពិក ២០២៤ នៅទីក្រុងប៉ារីស។ លើសពីនោះ នៅក្នុងឆ្នាំ ២០២៥ នេះ វណ្ណដា ក៏នឹងត្រៀមបង្ហាញវត្តមានលើឆាកប្រគំតន្ត្រីនៅឯសហរដ្ឋអាមេរិកជាថ្មីម្តងទៀតផងដែរ។

ងាកទៅកាន់ការផលិតចម្រៀងវិញ វណ្ណដា មិនត្រឹមតែបានសហការណ៍នឹងតារាចម្រៀងរ៉េបក្នុងស្រុកទេ លោកក៏ធ្លាប់បានច្រៀងចម្រៀងរួមគ្នានឹងតារាចម្រៀងរ៉េបបរទេសជាច្រើន រួមមានតារារ៉េបនៅក្នុងប្រទេសថៃ ប្រទេសជប៉ុន ប្រទេសកូរ៉េ ប្រទេសឥណ្ឌា ប្រទេសចិន ប្រទេសឡាវ និង ប្រទេសវៀតណាម។ លើសពីនោះ មានបទចម្រៀងលោកខ្លះ ក៏បានថតនៅក្នុង Studio ដែលមានកំពូលតារាចម្រៀងរ៉េបល្បីៗថតដែរ ដូចជា Kendrick Lamar ជាដើម។

តស់! ទៅមើលបទចម្រៀង និង តារារ៉េបអន្តរជាតិដែល វណ្ណដា ធ្លាប់បានច្រៀងរួមគ្នា៖

១. បទ «Young Man» និង បទ «Bong» ច្រៀងរួមគ្នានឹងតារាចម្រៀងរ៉េបថៃ OG BOBBY

២. បទ «Run The Town» ច្រៀងរួមគ្នានឹងតារាចម្រៀងរ៉េបថៃ F.HERO, 1MILL និង SPRITE

៣. បទ «6 Years In The Game» ច្រៀងរួមគ្នានឹងតារាចម្រៀងរ៉េបជប៉ុន AWICH

៤. Remake បទ «អីតែមិនអី» ច្រៀងរួមគ្នានឹងតារាចម្រៀងរ៉េបជប៉ុនវៀតណាម SUBOI

៥. បទ «ASIAN STATE OF MIND» ច្រៀងរួមគ្នានឹងតារាចម្រៀងរ៉េបជប៉ុន AWICH, តារាចម្រៀងរ៉េបកូរ៉េ JAY PARK, តារាចម្រៀងរ៉េបកូរ៉េបឥណ្ឌា KR$NA និង តារាចម្រៀងរ៉េបចិន MASIWEI។

៦. បទ «SMOKE UP» ច្រៀងរួមគ្នានឹងតារាចម្រៀងរ៉េបថៃ YOUNGOHM

៧. បទ «LOVE SICK BLUE» ច្រៀងរួមគ្នានឹងតារាចម្រៀងរ៉េបឡាវ THINLAMPHONE។-ល-៕