លោក លាវ ពិសិដ្ឋ ហៅ អេនឌី ត្រូវបានមហាជនចាត់ទុកជាតារាប្រុសដែលមានសំណាងមួយរូប ព្រោះ អាចនិយាយបានថា លោកគឺជាតារាប្រុសតែម្នាក់គត់ ដែលបានថតរូបភាពស្និទ្ធស្នាល ឱបកៀកកើយជាមួយកំពូលតារាស្រីលំដាប់ៗក្នុងប្រទេសច្រើនជាងគេអង្អង់កាលពីអតីតកាល។
មកដល់បច្ចុប្បន្ន ទោះបីជាលោក អេនឌី ហាក់រសាត់ខ្លួនឃ្លាតកាយឆ្ងាយពីវិស័យសិល្បៈបន្តិចមែន ប៉ុន្ដែម្ដងម្កាល តារាប្រុសរូបនេះ បានយករូបភាពចាស់ៗដែលលោកបានថតបង្ហាញម៉ូដជាមួយតារាស្រីល្បីៗក្នុងប្រទេស មកបង្ហោះនៅលើគណនីហ្វេសប៊ុក ចែករំលែកជូនអ្នកគាំទ្របានទស្សនា ដើម្បីជាការនឹករឭកដល់អនុស្សាវរីយ៍ធ្លាប់មានឈ្មោះបោះសំឡេងកាលពីមុន។
តួយ៉ាងរូបថតជាច្រើនសន្លឹកដែលលោក អេនឌី បានថតជាមួយតារាសម្ដែងស្រី បេនី យ៉ាំង កាលនាងទើបចូលប្រឡូកក្នុងវិស័យសិល្បៈឆ្នាំដំបូងៗ ត្រូវបានមហាជនចាប់អារម្មណ៍ឡើងវិញ ជាពិសេសចំពោះរូបសម្រស់របស់អ្នកនាង បេនី យ៉ាំង ផ្ទាល់ ដែលកាលនោះនាងគឺជាស្រីស្អាតដែលទទួលបានការសរសើរពីមហាជនយ៉ាងខ្លាំងមិនថារូបរាង ឬទម្រង់មុខមាត់នោះទេ ហើយបើងាកមកបច្ចុប្បន្នវិញ សម្រស់តារាស្រីរូបនេះ គឺកាន់តែស្អាតប្លែកមួយបែបទៀត៕
