និយាយពីតារាសម្ដែងស្រី សាំង ភស្ដា មហាជនអ្នកគាំទ្រជាច្រើនសុទ្ធសឹងតែបានជ្រាបហើយនូវភាពល្បីល្បាញរបស់អ្នកនាង តាមរយៈស្នាដៃសម្ដែងជាតួស្រីក្នុងភាពយន្តរឿងបុរាណខ្មែរព្រឺព្រួចដ៏ល្បីមួយ គឺរឿង «ខ្មោចដើមចេកជ្វា» តាំងពីអំឡុងឆ្នាំ ២០០៥ នោះ។
ដ្បិតតែធ្លាប់ល្បីល្បាញខ្លាំងតាមរយៈស្នាដៃសម្ដែងមែន ប៉ុន្តែតារាស្រី សាំង ភស្ដា ត្រូវបានគេដឹងថាអ្នកនាងប្រឡូកសិល្បៈ និង ហាត់រៀនក្នុងផ្នែកសិល្បៈបុរាណ ក្នុងនាមជានាដការបាំតាំងពីក្មេងៗមុនចូលវិស័យសម្ដែងភាពយន្តម្ល៉េះ។
យ៉ាងណាមិញ ស្របពេលដែលតារាសម្ដែងស្រី សាំង ភស្ដា បាត់មុខពីវិស័យសម្ដែងមួយរយៈធំ ដែលបានរៀបការសាងគ្រួសារមួយដ៏មានសុភមង្គល មិនឃើញវត្តមានអ្នកនាងសម្ដែងដូចមុន ប៉ុន្តែតារាស្រីរូបនេះ ក៏នៅតែបន្តបង្ហាញវត្តមានជានាដកាបុរាណជាច្រើនទម្រង់រហូតមក ឃើញវត្តមានក្នុងកម្មវិធីផ្សេងៗ។
លើសពីនេះ អ្នកនាង សាំង ភស្ដា ក៏ត្រូវបានគេដឹងថាកាលពីអំឡុងឆ្នាំ ២០១២ កន្លងទៅ អ្នកនាងក៏ធ្លាប់ដើរតួអង្គតំណាងទេវធីតាឆ្នាំថ្មី ព្រះនាម កិមិរាទេវី ចុះមកកាន់ជម្ពូរទ្វីប ដែលថតបញ្ចាំងលើទូរទស្សន៍ជាតិផងដែរ។ ទាក់ទងនឹងសិល្បៈរបាំបុរាណវិញ មកដល់ពេលនេះ តារាស្រី សាំង ភស្ដា ក៏បានក្លាយជាគ្រូរបាំបុរាណដ៏មានសមត្ថភាពមួយរូប ដែលបានបង្ហាត់បង្រៀនអ្នកជំនាន់ក្រោយជាច្រើនកន្លងមក៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
