បើគិតមកដល់ពេលនេះ មានតារាប្រុសស្រីជាច្រើនណាស់មកហើយដែលទទួលបានកេរ្តិ៍ឈ្មោះល្បីល្បាញក្នុងវិស័យសិល្បៈ ហើយក៏មានខ្លះទៀតក៏បោះបង់អាជីពនេះពាក់កណ្តាលទី ដោយមូលហេតុផ្សេងៗគ្នា។
យ៉ាងណាមិញ ក្រឡេកមកមើលសិល្បការិនីចំនួន ២ រូប ដែលពេលនេះកំពុងដើរតាមក្តីស្រមៃរបស់ខ្លួនយ៉ាងខ្ជាប់ខ្ជួនតាំងពីអាជីពជាអ្នករាំ រហូតបានក្លាយទៅជាតារាចម្រៀងរ៉េបផ្នែកនារីដ៏មានប្រជាប្រិយភាព។
១. តី
តារាចម្រៀងរ៉េប តី ដែលមហាជនបានហៅនាងថា តី វាយម៉ាលុយ បច្ចុប្បន្នកំពុងតែក្លាយទៅជាតារាចម្រៀងរ៉េបផ្នែកនារីមួយរូបលេចធ្លោខ្លាំងក្នុងវិស័យ Hip-Hop ក្នុងប្រទេសកម្ពុជា។ ក្នុងនោះ គេចាំបានថា កញ្ញា តី គឺជាអតីតអ្នករាំរបស់កំពូលតារាចម្រៀង មាស សុខសោភា។
២. Vivy
កញ្ញា Vivy ក៏មិនខុសពីកញ្ញា តី នោះឡើយ បច្ចុប្បន្នអតីតអ្នករាំក្នុងក្រុមរបស់តារាចម្រៀង ឱក សុគន្ធកញ្ញា រូបនេះ បានក្លាយទៅជាតារាចម្រៀងរ៉េបទទួលបានប្រជាប្រិយភាពយ៉ាងខ្លាំង។ ក្នុងនោះ Vivy ក៏ធ្លាប់បានបង្ហាញវត្តមានក្នុងការសម្តែងពីអ្នករាំទៅជាអ្នកច្រៀងរួមនឹងអ្នកនាង ឱក សុគន្ធកញ្ញា ទៀតផង៕
