ក្លាយជាម៉ាក់កូន ៣ នាក់ហើយ សារាយ លក្ខិណា នៅតែខ្លាំងលើវិស័យសិល្បៈមិនបាត់មុខសោះ

ចាប់តាំងពីបោះជំហានចូលប្រឡូកក្នុងវិស័យសិល្បៈច្រើនឆ្នាំមកនេះ អ្នកនាង សារាយ សក្ខិណា កាន់តែទទួលបានប្រជាប្រិយភាពខ្លាំងឡើងពីមួយថ្ងៃទៅមួយថ្ងៃ ដោយតារាស្រីរូបនេះ តែងតែលេចមុខក្នុងខ្សែភាពយន្តខ្នាតធំជាបន្តបន្ទាប់ ហើយសមត្ថភាពនៃការសម្ដែងរបស់នាង ក៏ស័ក្ដិសមបែបធម្មជាតិធ្វើឱ្យភាពយន្តនីមួយៗកាន់តែល្អមើល កាន់តែជក់ចិត្ត។

ដ្បិតថា សារាយ សក្ខិណា បានរៀបការជាមួយស្វាមីជាអាណិកជនខ្មែរ-អាមេរិក និង បានក្លាយជាអ្នកម៉ាក់របស់កូនៗដល់ទៅ ៣ នាក់ក៏ដោយ ប៉ុន្ដែនាងមិនបានឃ្លាតឆ្ងាយពីវិស័យសម្ដែងទៅណាឡើយ ហើយគេចាំបានថា កាលនាងទម្ងន់កូនក្នុងផ្ទៃ សារាយ សក្ខិណា ក៏ធ្លាប់ទទួលថតរឿងដែរ ដោយកាលនោះរឿងដែលនាងសម្ដែងបានផ្ទុះការទស្សនាយ៉ាងច្រើន។

មកដល់ឆ្នាំ ២០២៥ សារាយ សក្ខិណា បានក្លាយជាអ្នកម៉ាក់កូន ៣ តែចំពោះទីផ្សារភាពយន្តនាងនៅតែងលេចមុខសម្ដែងជារឿយៗ លើសពីនេះ នាងក៏ទទួលបានការងារថតផ្សាយពាណិជ្ជកម្មជាហូរហែមិនថាម្នាក់ឯង ឬជាមួយកូនៗ ព្រមទាំងបង្ហាញវត្តមាននៅក្នុងកម្មវិធីផ្សេងៗជាប់រដឹក ដែលទាំងអស់នេះធ្វើឱ្យមហាជនកាន់តែកោតសរសើរចំពោះភាពខ្លាំងរបស់នាងក្នុងវិថីសិល្បៈមួយនេះ៕