ជាការពិតណាស់ បច្ចុប្បន្ននៅលើបណ្តាញសង្គមនានា មិនថានៅលើហ្វេសប៊ុក, Tik Tok ឬ Instagram នោះទេ គេសង្កេតឃើញមានយុវវ័យជាច្រើនបានចាប់ផ្តើមផលិតមាតិកាប្លែកៗទៅតាម Trending ដោយមានទាំងការអប់រំ ចំណេះដឹង និង បែបកម្សាន្ត ជាដើម។
ក្នុងនោះ គេក៏បានឃើញម្ចាស់គណនីហ្វេសប៊ុក និង Tik Tok ឈ្មោះ Ricky អគ្គិសនី ក៏ទទួលបានការចាប់អារម្មណ៍ខ្លាំងពីអ្នកលេងបណ្តាញសង្គមនានាដែរ ដោយយុវជនរូបនេះតែងតែផលិតវីដេអូកាយវិការចម្រៀងបែបកំប្លែងៗទៅតាមបទចម្រៀងល្បីៗ។
ក្រោយទទួលបានការចាប់អារម្មណ៍ និង ចូលទស្សនាខ្ទង់រាប់រយ K និង ខ្លះដល់ M ផងនោះ យុវជន Ricky អគ្គិសនី ក៏ចាប់ផ្តើមមានទីផ្សារការងារ ដោយត្រូវបានបណ្តាក្រុមហ៊ុនជាច្រើនអញ្ជើញចូលរួមកម្មវិធី និង Reviews ពីផលិតផលថែមទៀតផង។
ដោយឡែក អ្វីដែលគួរឱ្យចាប់អារម្មណ៍ Ricky អគ្គិសនី គឺជានិស្សិតសិក្សានៅ DMC ដេប៉ាតឺម៉ង់ប្រព័ន្ធផ្សព្វផ្សាយ និង សារគមនាគមន៍ ហើយរូបគេក៏ជាម្ចាស់ជ័យលាភីលេខ ២ Metfone Star ផងដែរ៕
