4EVER ត្រូវបានគេស្គាល់ជាក្រុមចម្រៀងស្រីរបស់ផលិតកម្ម K’ve entertainment នៅកម្ពុជា។ ក្រុមចម្រៀងស្រីស្ទីលកូរ៉េនេះ ទើបបានធ្វើឱ្យយុវវ័យផ្ទុះការចាប់អារម្មណ៍ជាថ្មី ដោយបានចេញវីដេអូចម្រៀងដំបូងរបស់ខ្លួន កាលពីថ្ងៃទី ២១ ខែមីនា ឆ្នាំ ២០២៥ ក្រោមចំណងជើង Silly Love Game។ តាមរយៈ MV ដែលមានបទភ្លេងកន្ត្រាក់អារម្មណ៍ លាយឡំការច្រៀង និង ក្បាច់រាំដ៏រំភើប ឃើញថាសមាជិកម្នាក់ៗសុទ្ធតែមានភាពខ្លាំងពិសេសរៀងៗខ្លួន។
បើតាមការបង្ហោះលើទំព័រហ្វេសប៊ុករបស់ K’ve entertainment សមាជិកស្រី ៣ រូបនៃក្រុមចម្រៀងនេះ មានទេពកោសល្យដោយឡែកពីគ្នា។ តួយ៉ាង តួនាទីនៅក្នុងក្រុម សមាជិក Lemon ជាមេក្រុម ជា Sub Rapper និង ជា Sub Vocal។ ចំណែក Berry ជាអ្នករ៉េបចម្បង និង ជា Lead Vocal។ ហើយសម្រាប់ Jieun វិញ គឺជា Main vocal និង Center។
មែនទែនទៅក្រុមចម្រៀង 4EVER បានបង្ហាញខ្លួនតាំងពីឆ្នាំ ២០១៧ ជាមួយសមាជិក ៥ នាក់ តែក្រោយមកក៏ប្រកាសកាលពីថ្ងៃទី ២៩ ខែសីហា ឆ្នាំ ២០២៤ ជាមួយសមាជិកផ្លូវការ ៣ នាក់វិញ៕
