កន្លងមកមហាជនជាច្រើនតែងសង្កេតឃើញសិល្បករ សិល្បការិនីមួយចំនួន មានមុខមាត់ស្រដៀងៗគ្នាដូចបងប្អូនប្រសូត្រចេញពីផ្ទៃម្ដាយតែមួយ ហើយលើសពីនេះ ក៏មានអ្នកសិល្បៈជាច្រើន មានឈ្មោះ និង ត្រកូលដូចគ្នាទៀតផង ទោះបីជាពួកគេមិនជាប់សាច់ឈាមនឹងគ្នាក៏ដោយ។
ជាក់ស្ដែង សិល្បករ សិល្បការិនីរបស់កម្ពុជាយើងជាច្រើន មានឈ្មោះ និង ត្រកូលស្រដៀងៗគ្នាច្រើនណាស់ ដូចជាសិល្បករខ្មែរយើងដែលមានត្រកូល «ប៉ែន» បើរាប់ត្រួសៗទៅក៏ច្រើននាក់ដែរ ទាំងដែលអ្នកទាំងអស់គ្នា សុទ្ធតែកើតចេញពីគ្រួសារផ្សេងៗគ្នា ហើយជាពិសេសនោះពួកគេទាំង ៥ នាក់ក៏មានទេពកោសល្យផ្នែកសម្ដែងភាពយន្តដូចគ្នាទៀត។
១. ប៉ែន ចំរុង ជាពិធីករដ៏ល្បី ហើយលោកក៏ជាតារាភាពយន្តរូបសង្ហាដែលពោរពេញដោយទេពកោសល្យមួយរូបដែរ។
២. ប៉ែន ស្រីពេជ្រ ដ្បិតថានាងជាពិធិការិនីមួយរូប តែតារាស្រីរូបនេះក៏មានទេពកោសល្យផ្នែកសម្ដែងដែរ។
៣. ប៉ែន សុផានី ជាសិល្បការិនីជើងចាស់ផ្នែកសម្ដែងដ៏មានប្រជាប្រិយភាពមួយរូប ដោយកន្លងមកតារាស្រីរូបនេះបានលេចមុខក្នុងប៉ុស្ដិ៍ទូរទស្សន៍ជាច្រើនរាប់ភ្លេចមកហើយ។
៤. ប៉ែន ភ័ក្រសុធារិទ្ធ អ្នកកំលោះរូបសង្ហា មាឌមាំរូបនេះ កំពុងជោគជ័យលើវិស័យភាពយន្ត ដោយលោកក្ដោបបានទាំងរឿងភាគ និង រឿងខ្នាតធំ។
៥. ប៉ែន ចាន់សិទ្ធិ តែគួរឱ្យសោកស្ដាយ លោកបានទទួលមរណភាពកាលពីថ្ងៃទី ៣ ខែមីនា ឆ្នាំ ២០២៥ បាត់ទៅហើយដោយសារជំងឺប្រចាំកាយ៕
