ប្រិយមិត្តមួយចំនួនច្បាស់ជាបានស្គាល់អ្នកគ្រូ ណាលី ហើយ ដែលអ្នកគ្រូត្រូវបានគេស្គាល់ថាជាគ្រូហុងស៊ុយបែបវិទ្យាសាស្ត្រមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញតាមរយៈការចែករំលែកចំណេះដឹងផ្នែកហុងស៊ុយបែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានាឱ្យបានត្រឹមត្រូវតាមក្បួនហុងស៊ុយ។
នាពេលថ្មីៗនេះផងដែរ តាមរយៈផេកហុងស៊ុយបែបវិទ្យាសាស្រ្តរបស់អ្នកគ្រូ ឈ្មោះ Master Naly Fengshui បានចែករំលែកពីចំណេះដឹងហុងស៊ុយ អំពីកត្តាធំៗចំនួន ២ ដែលអាចជាបញ្ហានាំឱ្យសមាជិកក្នុងគ្រួសារមិនចុះសម្រុងគ្នា។
ក្នុងនោះ អ្នកគ្រូណាលី បានបញ្ជាក់ឱ្យដឹងថា ៖ «មូលហេតុដែលសមាជិកក្នុងគ្រួសារមិនចុះសម្រុងគ្នា អាចបណ្តាលមកពីកត្តាធំៗចំនួន ២ គឺកត្តាហុងស៊ុយផ្ទះ និង កត្តារាសីតួខ្លួនរបស់មនុស្សម្នាក់ៗ ក្នុងគ្រួសារ (ថ្ងៃ ខែ ឆ្នាំ និង ម៉ោង កំណើត)»៕
