មានករណីរបស់គ្រួសារមួយនៅប្រទេសចិន ដែលមានសមាជិកសរុប ៩ នាក់ តែ ៨ នាក់ បានស្លាប់ដោយសារតែជំងឺមហារីក មិនមែនមកពីតំណពូជទាំងអស់ តែមកពីការជក់បារី។
តាមព័ត៌មានបានឱ្យដឹងថា បុរសម្នាក់ក្នុងចំណោមសមាជិកគ្រួសារនេះ ដែលមានវ័យ ៦០ ឆ្នាំ មានអាការក្អករ៉ាំរ៉ៃ រួមទាំងមានឈាមនៅក្នុងស្លេស្ម ក្រោយមកក៏ត្រូវខាងគ្រូពេទ្យវិនិច្ឆ័យថាជាជំងឺមហារីកសួតប្រភេទ squamous។
ក្នុងនោះ គេបានសិក្សាទៅលើប្រវត្តិជំងឺរបស់គ្រួសាររបស់បុរសនេះ ក៏ឃើញថាជីតារបស់បុរសរូបនេះមានជំងឺមហារីកបំពង់អាហារ ប្អូនប្រុសរបស់ជីតា ២ នាក់ទៀតមានជំងឺមហារីកក្រពះ រីឯឪពុកមានជំងឺមហារីកសួត និង ក្រពះ ពូចំនួន ២ នាក់គ៏មានជំងឺមហារីកក្រពះ បងប្រុសធំមានជំងឺមហារីកក្រពះ បងប្រុសបន្ទាប់មានជំងឺមហារីកថ្លើម និង សួត ដែលអ្នកទាំង ៨ នាក់នេះ សុទ្ធសឹងតែបាត់បង់ជីវិតទៅហើយ។
យ៉ាងណាមិញ ខាងវេជ្ជបណ្ឌិតបានឱ្យដឹងថា គ្រួសាររបស់បុរសចំណាស់រូបនេះមានប្រវត្តិធ្លាប់ជក់បារីជាប្រចាំ ធ្វើឱ្យបរិយាកាសក្នុងការរស់នៅមានការស្មុគស្មាញ ព្រមទាំងមានការផ្លាស់ប្តូរហ្សែនដ៏កម្រនៅក្នុងគ្រួសារ ដែលនេះអាចជាមូលហេតុចម្បងមួយនៃការកើតជំងឺមហារីក៕
ប្រភព៖ Sanook
