លោកវេជ្ជបណ្ឌិត Weerasak Charatchaisri សាស្ត្រាចារ្យរបស់ថៃ ផ្នែកវេជ្ជសាស្រ្ដជំនាញផ្នែកកោសល្យវិច្ច័យ នាសាកលវិទ្យាល័យ Srinakharinwirot (SWU) បានដាស់តឿនមិនឱ្យផឹកទឹកក្នុងដបដែលត្រូវពន្លឺថ្ងៃយូរ ឬ ទុកនៅក្នុងឡានយូរឡើយ ព្រោះអាចបង្កឱ្យមានបញ្ហាសុខភាព ៤ យ៉ាង។
លោកបានឱ្យដឹងថា កុំផឹកទឹកដបដែលទុកចោលក្រោមពន្លឺថ្ងៃ ឬ ក្នុងបរិយាកាសក្តៅ ដូចជាក្នុងឡាន ព្រោះកំដៅអាចធ្វើឱ្យជាតិគីមីដែលគ្រោះថ្នាក់ហូរចេញពីផ្លាស្ទិចទៅក្នុងទឹក។ សារធាតុគីមីទាំងនេះដូចជា bisphenol A (BPA) និង phthalates អាចមានគ្រោះថ្នាក់ដល់សុខភាព ដូចជា បញ្ហាក្រពះ ឈឺក្បាល វិលមុខ ជាពិសេសគឺបញ្ហាអ័រម៉ូន ព្រោះសារធាតុគីមីមួយចំនួនអាចបណ្តាលឱ្យមានការផ្លាស់ប្តូរអ័រម៉ូន ដែលងាយធ្វើឱ្យបញ្ហាសុខភាពកើតឡើង។
ដូច្នេះដើម្បីជៀសវាងកុំឱ្យមានប្រទះបញ្ហាសុខភាពទាំងនេះ ទឹកដបដែលត្រូវផឹក គួរតែទុកនៅកន្លែងត្រជាក់សមរម្យ និង មិនត្រូវឱ្យប៉ះពាល់ត្រូវពន្លឺថ្ងៃខ្លាំងពេកនោះទេ៕
ប្រភព៖Sanook
