មហាជននិយមតាមដានការងាសិល្បៈរបស់តារាស្រីស្រស់សោភា ហ្វាហ្វា ច្បាស់ជាបានជ្រាបមកហើយ ថាតារាស្រីរូបនេះហាក់មានទីផ្សារការងារសិល្បៈច្រើន ដោយមិនត្រឹមតែជាតារាសម្តែងតែម្យ៉ាងនោះទេ តែនាងក៏ត្រូវបានបណ្តាក្រុមហ៊ុនជាច្រើនជ្រើសរើសក្លាយទៅជា BA ទៀតផង។
ស្របពេលទីផ្សារការងារសិល្បៈកំពុងសម្រុកចូលនោះ ហ្វាហ្វា ក៏មានមុខជំនួញរកស៊ីក្នុងដៃផ្ទាល់ខ្លួនផងដែរ។ មិនត្រឹមតែប៉ុណ្ណោះ មួយរយៈចុងក្រោយនេះ ស្រីស្អាតរូបនេះបានបំបុកទីផ្សារក្តោបឱកាសក្លាយទៅជាពិធីការិនី ក្នុងកម្មវិធីតន្ត្រីធំៗជាច្រើនទៀតផង។
ងាកមកកាន់រឿងរ៉ាវឯកជនវិញនោះ អាចនឹងមានមហាជនជាច្រើនបានស្គាល់ឈ្មោះពិតរបស់ស្រីស្អាត ហ្វាហ្វា រួចហើយ តែអ្នកគាំទ្រខ្លះអាចនឹងមិនទាន់ច្បាស់។ ពិតណាស់ អំឡុងពេលចូលសិល្បៈដំបូង កញ្ញា ហ្វាហ្វា បានឱ្យដឹងថា ឈ្មោះពិតរបស់នាងគឺ គៀត ប៊េឡា។
យ៉ាងណាមិញ ស្រាប់តែថ្មីៗនេះ អ្នកគាំទ្រមានការចាប់អារម្មណ៍យ៉ាងខ្លាំង ក្រោយកញ្ញា ហ្វាហ្វា បានទម្លាយឈ្មោះពិតជាថ្មីម្តងទៀតថាឈ្មោះក្នុងបញ្ជីជាតិរបស់នាងគឺ «គៀត គីមយី»។ ក្នុងនោះ ក្រោយប្រាប់ឈ្មោះពិតប្រាកដដល់មហាជនហើយ អ្នកគាំទ្រលើកឡើងថា ឈ្មោះ យី ពិតជាស័ក្តិសមនឹងនាងខ្លាំងណាស់ ក៏ព្រោះទម្រង់មុខ និង ឈ្មោះបែបចិនៗ៕
សូមចុចទីនេះ ដើម្បីទស្សនាវីដេអូ៖
