អ្នកគាំទ្រវិស័យរ៉េបភាគច្រើនបានស្គាល់សមត្ថភាព Ranngo កាន់តែច្បាស់ បន្ទាប់ពីលោកលេចមុខក្នុងការប្រឡងចម្រៀងរ៉េបដ៏ធំដល់ទៅ ២ លើក ជាពិសេសតារាប្រុសរូបនេះ កាន់តែទទួលបានប្រជាប្រិយភាពខ្លាំងតាមរយៈការប្រឡងកម្មវិធី Rapper Fighter រដូវកាលទី ១ កាលពីពេលកន្លងទៅ។
ការត្រឡប់មកប្រកួតនៅក្នុងកម្មវិធីប្រឡងចម្រៀងរ៉េបដ៏ធំមួយនេះ Ranngo កាន់តែធ្វើឱ្យទស្សនិកជនពេញចិត្តចំពោះទេពកោសល្យផ្នែកសិល្បៈចម្រៀងរ៉េប ការតាក់តែងទំនុងច្រៀងនៅក្នុងបទចម្រៀង គំនិតបង្កើតពាក្យទាន់សម័យថ្មីៗ ធ្វើឱ្យពីមួយវគ្គទៅមួយវគ្គ Ranngo កាន់តែមានឈ្មោះបោះសំឡេងក្លាយជាបេក្ខជនដ៏លេចធ្លោនៅក្នុងកម្មវិធី។
ដ្បិតថាការចូលរួមប្រកួតប្រជែងលើកនេះ Ranngo នៅតែមិនអាចដណ្ដើមបានជ័យលាភីជាម្ចាស់ពានរង្វាន់បាន ប៉ុន្ដែក្រោយចប់ការប្រកួត Ranngo បានចេញបទមច្រៀងជាមួយគ្រូបង្វឹកផ្ទាល់ខ្លួនគឺលោក វុទ្ធា ហើយក្រោយៗមក លោកក៏បានចេញបទចម្រៀងទោលជាបន្ត ដែលបទចម្រៀងនីមួយៗរបស់តារាចម្រៀងរ៉េបជំនាន់ថ្មីរូបនេះ បានលុកលុយទីផ្សារសិល្បៈចម្រៀងរ៉េបនៅកម្ពុជា ធ្វើឱ្យលោកកាន់តែល្បីលេចមុខញឹកញាប់តាមឆាកតន្រ្តីធំៗ និង Pub កម្សាន្តនានា៕
