ថ្មីៗនេះ វេជ្ជបណ្ឌិត Weerasak Charatchaisri សាស្ត្រាចារ្យវេជ្ជសាស្ត្រ ឯកទេសផ្នែកវិទ្យាសាស្ត្រកោសល្យវិច្ច័យរបស់ថៃ បានលើកឡើងពីការសិក្សាមួយដែលបានរកឃើញថា មនុស្សស្រីមិនសូវមានសកម្មភាពផ្លូវភេទ អាចងាយនឹងកើតបញ្ហាប៉ះពាល់សុខភាព ជាពិសេសគឺឱកាសការស្លាប់កើនឡើងរហូតដល់ ៧០ ភាគរយ។
លោកបានឱ្យដឹងថា ការសិក្សានេះឈ្មោះ Journal of Psychosexual Health ក្នុងឆ្នាំ ២០២៤ ដោយបានប្រើប្រាស់ទិន្នន័យពីការស្ទង់មតិសុខភាព និង អាហារូបត្ថម្ភជាតិរបស់សហរដ្ឋអាមេរិក (NHANES) ចន្លោះឆ្នាំ ២០០៥ និងឆ្នាំ ២០១០ ដែលមានអ្នកចូលរួម ១៤ ៥៤២ នាក់ អាយុពី ២០ ឆ្នាំទៅ ៥៩ ឆ្នាំ។
ការសិក្សានេះបានរកឃើញថា ៩៥ ភាគរយ នៃអ្នកចូលរួមបានរួមភេទច្រើនជាង ១២ ដង ក្នុងមួយឆ្នាំ ហើយ ៣៨ ភាគរយ រួមភេទច្រើនជាងម្តងក្នុងមួយសប្តាហ៍។ ក្នុងនោះ ស្ត្រីដែលរួមភេទតិច មានហានិភ័យស្លាប់ខ្ពស់ជាង ៧០ ភាគរយ បើធៀបនឹងស្ត្រីដែលរួមភេទញឹកញាប់ជាង។
ក្នុងចំណោមនោះ អ្នកដែលមានជំងឺធ្លាក់ទឹកចិត្ត ភាគច្រើនរួមភេទតិចជាង ៥២ ដងក្នុងមួយឆ្នាំ ហានិភ័យនៃការស្លាប់របស់ពួកគេគឺ ១៩៧ ភាគរយ ខ្ពស់ជាងអ្នកដែលមានជំងឺធ្លាក់ទឹកចិត្តដែរ ប៉ុន្តែរួមភេទច្រើនជាង ៥២ ដងក្នុងមួយឆ្នាំ។ សរុបមកការរួមភេទទៀងទាត់ចំពោះស្ត្រី ជាពិសេសស្រ្តីដែលមានជំងឺបាក់ទឹកចិត្ត អាចជួយកាត់បន្ថយហានិភ័យនៃការស្លាប់ពីគ្រប់មូលហេតុ៕
ប្រភព៖ Sanook
