ជារឿងដ៏គួរឱ្យភ្ញាក់ផ្អើល និង នឹកស្មានមិនដល់ នៅថ្ងៃទី ០១ ខែកញ្ញា ឆ្នាំ ២០២៥ នេះ មានករណីបុរសម្នាក់ បានធ្វើសកម្មភាពចង-កប៉ុនប៉ងសម្លាប់ខ្លួន នៅលើដើមឈើមួយដើម នៅម្ដុំផ្សារដេប៉ូ ស្ថិតក្នុងភូមិសាស្ត្ររាជធានីភ្នំពេញ។
តាមរយៈវីដេអូដែលគេថតបាន បង្ហាញឱ្យឃើញថា បុរសខាងលើបានធ្វើសកម្មភាពចង-កនៅលើដើមឈើមួយកន្លែងម្ដុំផ្សារដេប៉ូ ក្នុងកាយវិការច្របូកច្របល់ ទើបក្រោយមករូបគេបានធ្លាក់មកពីលើដើមឈើ និង ពុំបានសម្រេចនោះឡើយ ដែលបង្កជាការភ្ញាក់ផ្អើលដល់ប្រជាពលរដ្ឋនៅទីតាំងកើតហេតុខាងលើ។
យ៉ាងណាមិញ ទាក់ទិនទៅនឹងករណីនេះ គេពុំទាន់ដឹងថា បុរសខាងលើមានបញ្ហាអ្វី ឬ ស្ថិតក្នុងស្ថានភាពបែបណានោះឡើយ ទើបសម្រេចចិត្តគិតខ្លីនៅចំណុចខាងលើបែបនេះ ខណៈបើមានព័ត៌មានលម្អិតបន្ថែម យើងខ្ញុំនឹងជម្រាបជូននៅពេលក្រោយ៕
