ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកតាមដាន លោក វ៉ែន ដារ៉េត ហៅ ម៉ែ កុលាប កំពុងផ្ទុះការចាប់អារម្មណ៍ ខណៈបានឃើញសេចក្តីជូនដំណឹង ចេញដោយមេធាវីរបស់ ម៉ែ កុលាប ជូនទៅកាន់យុវតី កុល ធីតា ដែលជាបុគ្គលធ្លាប់ផ្ទុះរឿងពាក់ព័ន្ធនឹងលោក វណ្ណថាន កាលពីពេលកន្លងមក។
ក្នុងនោះដែរ ដំណើរមុននឹងឈានដល់ការចេញសេចក្តីជូនដំណឹងនោះដែរ គេបានឃើញ ម៉ែ កុលាប បានចែករំលែកនូវវីដេអូរបស់យុវតី កុល ធីតា ដែលបានថតរាំដោយពាក់តែអាវក្នុង និង អម caption ថា៖ «កូន ធីតា មកសារនេះ រៀងកាចតិចហើយណា»។ លើសពីនោះ នៅក្នុងវីដេអូ ម៉ែ កុលាប ក៏បានអត្ថធិប្បាយបែបលេងសើច និង មានពាក្យពេចន៍មួយចំនួនទៀត ធ្វើឱ្យយុវតី កុល ធីតា មិនពេញចិត្ត និង បង្ហោះសារជេរប្រទេច ម៉ែ កុលាប វិញដែរ។
សារដែល យុវតី កុល ធីតា បានបង្ហោះនោះបានសរសេរថា៖ «អរ អាចុយម្រាយនេះ យកវីដេអូអញទៅថតលក់ផលិតផលវា» ដោយការបង្ហោះនេះហើយ ទើបឈានដល់ការចេញសេចក្តីជូនដំណឹងពី ម៉ែ កុលាប៕
