នៅថ្ងៃទី ១៨ ខែកុម្ភៈ ឆ្នាំ ២០២៥ មន្ទីរពេទ្យបង្អែកខេត្តតាកែវ បានចេញសេចក្តីបំភ្លឺជូនសារធារណៈជន ឱ្យបានដឹងថា ករណីស្ត្រីពពោះ អាយុ ២៦ ឆ្នាំ ដែលត្រូវជាប្រពន្ធរបស់ឈ្មោះ Vong SoPheak បានចូលសម្រាកពេទ្យវេលាម៉ោង ៤ និង ៤៦ នាទីព្រឹក នៅថ្ងៃ ទី១២ ខែកុម្ភៈ ឆ្នាំ ២០២៥ ដោយឈឺពោះសម្រាលគ្រប់ខែកូនទី ០១ ហើយមិនមែនចូលសម្រាកថ្ងៃទី ១១ ខែកុម្ភៈ ឆ្នាំ២០២៥ ដូចការលើកឡើងរបស់បុរសជាស្វាមីទេ។
តាមសេចក្ដីបំភ្លឺបានឱ្យដឹងទៀតថា នៅពេលអ្នកជំងឺចូលមកដល់មន្ទីរពេទ្យ ក្រុមគ្រូពេទ្យប្រចាំការនៅផ្នែកសម្ភពបានធ្វើការទទួល និង ពិនិត្យតាមបច្ចេកទេសវេជ្ជសាស្ត្រភ្លាមៗ វេលានោះឃើញថាមាត់ស្បូនមិនទាន់បើកនៅឡើយទេ។ ក្រុមការងារបានបូមឈាមយក ទៅពិនិត្យ និង វិភាគតាមបច្ចេកទេស ឯការលើកឡើងថាមានការប្រកែកគ្នាប្រហែលកន្លះម៉ោង ទើបគ្រូពេទ្យព្រមវះកាត់ឱ្យ ការពិតគឺក្រុមគ្រូពេទ្យ បានកំពុងប្រជុំពិភាក្សាគ្នាលើករណីនេះ និង ធ្វើការពិនិត្យអេកូផ្ទៃពោះឡើងវិញ ដើម្បីផ្តល់ជាជម្រើសផ្នែកវេជ្ជសាស្ត្រជូនអ្នកជំងឺ។
មន្ទីរពេទ្យបង្អែកខេត្តតាកែវ បានបន្ថែមថា មន្ទីរពេទ្យពុំទុកអ្នកជំងឺចោល ទោះមាន ឬ មិនមានប័ណ្ណ ប.ស.ស មាន ឬ មិនមានប័ណ្ណមូលនិធិសមធម៌នោះឡើយ។ ចំពោះករណីនេះ ក្រុមការងារបានខិតខំប្រឹងប្រែងអស់ពីសមត្ថភាពជួយទាំងម្តាយ និង កូន និង បានខិតខំពន្យល់ផ្តល់ពត៌មានជាបន្តបន្ទាប់ដល់ក្រុមគ្រួសារ ព្រមទាំងចូលរួមសោកស្តាយចំពោះមរណភាពទារកក្នុងពោះ។
សូមអានសេចក្ដីបំភ្លឺរបស់មន្ទីរពេទ្យលម្អិតខាងក្រោម ៖
