ថៃ ត្រៀមសង់របងព្រុំដែនថៃ-កម្ពុជា ១៦៨ គីឡូម៉ែត្រ ផ្តាច់អគ្គិសនី និង អ៊ីនធឺណេត ដើម្បីការពារបទល្មើសឆ្លងដែន និង បទល្មើសអនឡាញ

នៅថ្ងៃទី ១២ ខែកុម្ភៈ ឆ្នាំ ២០២៥ កន្លងទៅ រដ្ឋមន្រ្តីពាក់ព័ន្ធជាច្រើនរូបរបស់ប្រទេសថៃ បានចុះទៅស្រុកអារញ្ញ ខេត្តស្រះកែវ ដើម្បីតាមដានស្ថានការណ៍តាមព្រុំដែន និង ជំរុញវិធានការពង្រឹងសន្តិសុខ ទាក់ទងនឹងក្រុមជនឆបោកអនឡាញ។

ក្នុងវិធានការពង្រឹងសន្តិសុខ ខាងរដ្ឋាបាលរបស់ថៃបានត្រៀមនឹងសង់របងនៅតាមព្រុំដែនចំនួន ១៦៨ គីឡូម៉ែត្រ ដោយប្រើប្រាស់ថវិកាចំនួន ២៨៦ លានបាត។ លើសពីនេះទៅទៀត នឹងមានការបន្ថែមប៉ុស្តិ៍ត្រួតពិនិត្យ ក៏ដូចជាកាមេរ៉ាសុវត្ថិភាពនៅតាមដងផ្លូវ ព្រមទាំងដំឡើងប៉មបច្ចេកវិទ្យា Dummy Tower ដើម្បីចាប់សញ្ញាទូរស័ព្ទក្លែងក្លាយ និង ទប់ស្កាត់ការប្រើប្រាស់បណ្តាញទូរស័ព្ទឆ្លងដែនខុសច្បាប់។ ជាពិសេស បង្គោលអ៊ីធឺណែតខុសច្បាប់ទាំងឡាយ ក៏ត្រូវបានដកចោលទាំងអស់។

យ៉ាងណាមិញ បន្ទាប់ពីកិច្ចប្រជុំក្រុមប្រឹក្សាសន្តិសុខជាតិ (NSC) រួចរាល់ ខាងរដ្ឋាបាលថៃនឹងត្រៀមផ្អាកការចែកចាយអគ្គិសនី ប្រេងឥន្ធនៈ ក៏ដូចជាបណ្តាញអ៊ីនធឺណេត​នៅក្នុងខេត្តមួយចំនួនដូចជា ខេត្តស្រះកែវ តំបន់ឆងចម ខេត្តសុរិន្ទ តំបន់ឆងសាង៉ាំ ខេត្តស្រីសាកេត និង ខេត្តត្រាត តំបន់កោះកុង៕

ប្រភព៖ AMARINTV