ជាការពិតណាស់ បើទោះជាស្ពាយឈ្មោះជាមេម៉ាយ និង ត្រូវមើលថែចិញ្ចឹមបីបាច់កូនស្រីតែម្នាក់ឯងក៏ពិតមែន ប៉ុន្តែតារាកំប្លែង ស្រីអ៊ីត គឺពិតជាមានសុភមង្គល និង សំណាង ដែលមាន ណានណាន ជាកូនស្រីល្អ ដើរតាមគន្លងធម៌។
ជាក់ស្តែង នៅថ្ងៃបុណ្យចូលឆ្នាំ អ្នកលេងបណ្តាញសង្គមហ្វេសប៊ុកបានបង្ហាញអារម្មណ៍រំភើបចិត្តជំនួស ស្រីអីត និង សរសើរដល់តារាស្រីវ័យក្មេង ណានណាន ដែលបានទិញកាដូធំពញ្ញាក់អារម្មណ៍ម្តាយ ជាខ្សែកមាស និង លុយដុល្លារទាំងខ្ទាស់ៗ។
ក្នុងនោះ ស្រីអីត ក៏បានរៀបរាប់ថា ៖ «ម៉ាក់ពិតជាសប្បាយចិត្ត ហើយក៏ម៉ាក់នឹកស្មានមិនដល់ ថាកូនស្រីម៉ាក់ ស៊ូដើម្បីម៉ាក់ ម៉ាក់ពិតជាអរគុណខ្លំាងណាស់ ហើយឆ្នាំថ្មីនេះកូនម៉ាក់ ជូនកាដូដ៏ធំដល់ម៉ាក់ ចេញពីកម្លាំងញើសឈាមកូន ទាំងយប់ថ្ងៃ ម៉ាក់សូមជូនពរកូនឱ្យជោគជ័យ។ មិនដឹងរៀបរាប់បែបណា ឱ្យអស់ទេ! អរគុណបងប្អូនទាំងគ្នាផងដែរ ដែលស្រលាញ់គាំទ្រកូនស្រីខ្ញុំ ទើបមានថ្ងៃនេះ ម៉ាក់ស្រលាញ់កូន»៕
